Agustín d'Hipona
Agustín d'Hipona | |||
|---|---|---|---|
 | |||
396 - Diócesis: Q3708139  | |||
| Vida | |||
| Nacimientu |
Tagaste (es) , 13 de payares de 354 | ||
| Nacionalidá | Antigua Roma | ||
| Muerte |
Hipona (es) , 28 d'agostu de 430[1] (75 años) | ||
| Sepultura |
San Pietro in Ciel d'Oro (es) | ||
| Familia | |||
| Padre | Patricio | ||
| Madre | Mónica d'Hipona | ||
| Casáu con | ensin valor | ||
| Fíos/es |
Adeodato (es) | ||
| Hermanos/es |
| ||
| Estudios | |||
| Llingües falaes |
llatín[2] idioma púnicu Llingües bereberes | ||
| Profesor de |
Heraclius of Hippo (en) | ||
| Oficiu |
filósofu, teólogu, autobiógrafu, teóricu de la música, predicador, historiador, poeta, escritor, sacerdote católicu, obispo titular (es) , obispu católicu | ||
| Trabayos destacaos |
Confesiones (es) La ciudad de Dios (es) La Trinidad (es) | ||
| Influyencies | Ambrosio de Milán | ||
| Santoral | |||
| 28 d'agostu y 15 de xunu | |||
| Creencies | |||
| Relixón |
Ilesia Católica[3] maniqueísmu[4] | ||
| IMDb | nm1240835 | ||
 | |||
Aurelius Augustinus, San Agustín o Agustín d'Hipona (13 de payares de 354, Tagaste (es) – 28 d'agostu de 430, Hipona (es) ) fíu de madre cristiana y padre paganu, y medra nel marcu d'una educación pagana (llatina): retórica, estudiu d'autores llatinos, etc.
Iniciase na filosofía gracies a les obres de Cicerón. Estudia y enseña en Cartago, Roma y Milán, ciudá na que conoz el maniqueismu y l'escepticismu, que dempués abandona pol platonismu.
Conviértese al cristianismu a los 32 años. Ordénase sacerdote nel añu 391 y el 396 conviértese n'obispu d'Hipona. Va fundar conventos au defende l'alderique relixosu pero siempre dientru la ortodoxia cristiana. La so influyencia posterior ye pervaloratible, y ta consideráu como ún de los pensadores cimeros de la historia occidental.
Obres
[editar | editar la fonte]- Les Confesiones, au narra la so autobiografía, incluyendo la so nacencia n'África, la so adolescencia rebelde, la influyencia de la so má (Santa Mónica) y la conversión al cristianismu.
- La Ciudá de Dios, au dixebra'l mundu en dos reinos o ciudaes metafóriques y fala sobro la providencia, la llibertá y la moral.
- La Trinidá, obra teolóxica sobre les rellaciones de les tres persones de la Santísima Trinidá: Padre, Fíu y Espíritu Santu.
Pensamientu
[editar | editar la fonte]Fe y Razón
[editar | editar la fonte]La conciliación ente la Fe y la Razón queda recoyida en San Agustín na fórmula sieguiente, que será tou un problema hasta finales del sieglu XVIII: "Creo pa entender" Asina, apunta que la filosofía ha tener como puntu de salida la Fe y les Escritures, y que namás tien valor na midida que coincide cola verdá cristiana: la filosofía tien, poro, un papel subordináu, al serviciu de la teoloxía.
La creación del mundu y del tiempu
[editar | editar la fonte]Pa San Agustín, Dios creare'l mundu "ex nihilo" (del res). La materia ye una seición de Dios, resultáu d'una decisión llibre y voluntaria, un autu espontaneu del amor divín. Poro, la creación deplázase nel tiempu y los seres individuales lleguen a la so madurez nel trescursu desi tiempu, acordies cola providencia divina. Pero la materia nun ye eterna, naz y camuda colos tiempos a diferencia de la eternidá de Dios.
El problema del mal
[editar | editar la fonte]A la hora d'abordar esta entruga, San Agustín estrema ente dos clases de mal:
- El mal físicu o natural, que provién de Dios. Ye más una deficiencia cuyo orixe hai de lo atopar na mesma materia.
- El mal moral, ye obra del ser humanu y del so comportamientu inxustu énte los semeyantes de so. Tien el so orixe na llibre voluntá cola que Dios creó al home. Poro, Dios nun ye responsable del mal usu de la llibertá.
La concepción de la Historia
[editar | editar la fonte]La filosofía de la Historia d'Agustín describe un procésu qu'afeuta a tol xeneru humanu. Trátase d'una historia universal constituida por una serie de sucesos qu'avancen haza un fin enfotaos pola providencia divina. Pero esti procesu carauterízase pol conflictu pente les dos comunidaes qu'habiten el mundu:
- La ciudá de Dios. Tolos que siguen a Dios, que constituyen una ilesia invisible y son pelegrinos na Tierra empobinaos a un fin trescendente y una recompensa eterna.
- La ciudá terrena, formada polos que posaren el so amos nel mundu, en si mesmos, los que renunciaren a Dios y tan condergaos a la muerte eterna.
A diferencia de la concepción cíclica del tiempu y de la historia carauterística de la filosofía griega, Agustín afita la so representación de la Historia nuna concepción literal, progresiva y finalista del tiempu.
Referencies
[editar | editar la fonte]- ↑ Afirmao en: autoridaes BNF. Identificador BnF: 11889551s. Data de consulta: 20 xunetu 2023. Autor: Biblioteca Nacional de Francia. Llingua de la obra o nome: francés.
- ↑ Afirmao en: Mirabile: Digital Archives for Medieval Culture. Llingua de la obra o nome: italianu. Editorial: SISMEL – Edizioni del Galluzzo.
- ↑ Afirmao en: Catholic-Hierarchy.org. Identificador Catholic Hierarchy de persona: hippo. Data de consulta: 17 ochobre 2020. Llingua de la obra o nome: inglés.
- ↑ URL de la referencia: https://www.britannica.com/biography/Saint-Augustine. Data de consulta: 22 setiembre 2020.
Enllaces esternos
[editar | editar la fonte]
Wikimedia Commons acueye conteníu multimedia sobre Agustín d'Hipona.- Agustín d'Hipona na Internet Movie Database (n'inglés)
- «Agustín d'Hipona». en Find a Grave. (n'inglés)
- Obres d'Agustín d'Hipona nel Proyeutu Gutenberg
| Control d'autoridaes |
|
|---|
Datos: Q8018- Multimedia: Augustinus
Cites famoses: Agustín de Hipona
Testos: Autor:Agustín de Hipona