Hər kəsin redaktə edə biləcəyi azad ensiklopediya olan

Vikipediyaya xoş gəlmisiniz!

Hal-hazırda Azərbaycanca Vikipediyada 201.669 məqalə mövcuddur.

Həftənin seçilmiş məqaləsi

Stoaçılıq — Qədim Yunanıstanda və Qədim Romada çiçəklənmiş ellinist fəlsəfə məktəbi. Stoiklər evdemoniyaya – səadətli, çiçəklənən bir həyata nail olmaq üçün fəzilət təcrübəsinin kifayət olduğuna inanırdılar. Stoiklər buna nail olmağın yolunu gündəlik həyatda cəsarət və ya təmkinlilik kimi müəyyən fəzilətləri tətbiq etmək, ya da təbiətə uyğun yaşamaq kimi müəyyən etmişdilər. E.ə. 300-cü ildə Kitiyalı Zenon tərəfindən qədim Afina aqorasında qurulmuşdur. Aristotel etikası ilə yanaşı, stoik ənənə fəzilət etikasının əsas qurucu yanaşmalarından birini təşkil edir. Stoiklər xüsusilə insanlar üçün "fəzilətin yeganə xeyir" olduğunu və sağlamlıq, zənginlik və zövq kimi xarici şeylərin özlüyündə yaxşı və ya pis olmadığını (adiafora), "fəzilətin hərəkət etməsi üçün material" kimi dəyərə malik olduğunu öyrətməklə tanınırlar. Seneka və Epiktet kimi bir çox stoiklər vurğulayırdılar ki, "xoşbəxtlik üçün fəzilət kifayət" olduğuna görə bir müdrik bədbəxtliyə emosional olaraq dözümlü olmalıdır.

(Davamı...)

Həftənin yaxşı məqaləsi

Mustafa Fəhmi Xubilay — Türkiyə müəllimi və subleytenantı. O, 23 dekabr 1930-cu ildə Menəmən hadisəsi zamanı Menəməndə iki məhəllə gözətçisi ilə birlikdə respublika əleyhdarı bir qrupun üsyanı əsnasında Dərviş Mehmet tərəfindən öldürülmüşdür. Dərviş onu öldürdükdən sonra özü də zərərsizləşdirilmiş və qısa müddət sonra edam olunmuşdur. O, Xubilay xana olan heyranlığına görə dostları tərəfindən "Xubilay" ləqəbiylə yad edilmişdir. Bu ləqəb onun həyatında mühüm yer tutmuş və sonradan Mustafa Fəhmi Xubilay kimi tanınmağa başlanmışdır. Xubilay təyin olunduğu məktəblərin birində tanış olduğu müəllim dostu Fatma Vədidə xanımla ailə həyatı qurmuş və onların bir oğlu olmuşdur. Xatirəsinə bir çox əsərlər ithaf edilmiş və müxtəlif obyektlərə onun adı verilmişdir. Hər il öldüyü gün – 23 dekabrda onun xatirəsinə anım məclisləri təşkil olunur.

(Davamı...)

Həftənin seçilmiş siyahısı

Qurban Qurbanovun milli komandada vurduğu qolların siyahısı — Qurban Qurbanov hücumçu mövqeyində oynamış keçmiş Azərbaycan futbolçusudur. O, hazırda Ağdamın "Qarabağ" klubunun (2008-ci ildən) baş məşqçisidir. Qurbanov, Emin Mahmudov ilə birlikdə Azərbaycan milli futbol komandasının ən məhsuldar iki oyunçusundan biridir. Keçmiş hücumçu, 1992–2005-ci illərdə çıxış etdiyi Azərbaycan millisin heyətində ümumilikdə 68 oyun keçirib, 14 qol vurub. Qurbanov 1992-ci il sentyabrın 17-də Gürcüstanla səfərdə keçirilən yoxlama oyununda Azərbaycan milli futbol komandasının heyətində debüt edib. O, matçın 46-cı dəqiqəsində Mahmud Qurbanovu əvəzləyib. Qurbanov millinin heyətində sonuncu oyununa 7 sentyabr 2005-ci ildə DÇ-2006-nın seçmə mərhələsi çərçivəsində Bakıda Avstriya ilə keçirilən qarşılaşmada çıxıb.

(Davamı...)

Günün seçilmiş şəkli

Xəbərlər

Türkiyənin Bolu ilinin Qartalqaya dağ-xizək mərkəzinin hotelində (şəkildə) baş verən yanğın nəticəsində ən azı 78 nəfər ölüb, 51 nəfər yaralanıb.
İsrail və Fələstin arasında müharibəni dayandıran və israilli girovların və fələstinli məhbusların azad olunmasını nəzərdə tutan atəşkəs razılaşması imzalanıb.
ABŞ rejissoru Devid Linç 78 yaşında vəfat edib.
Cozef Aun Livan Prezidenti seçilib.

Aktual hadisələr: Suriyada vətəndaş müharibəsi • HƏMAS–İsrail müharibəsi • İsrail–Hizbullah münaqişəsi • Rusiya–Ukrayna müharibəsi • Sudanda vətəndaş müharibəsi

Son ölümlər: Abdolbari Gozal, Denis Lou, Mövsüm Hüseynov, Çimnaz Sultanova, Toni Buk, Bedia Ener

Bilirsinizmi?

Tokioda yerləşən Mimequri məbədində Londonun Trafalqar meydanındakı şir heykəlinin replikası (şəkildə) yerləşir.
Cerard Dryuherst həm futbolçu, həm də bankir olmuşdur, həmçinin bir buxar lokomotivi onun adına adlandırılmışdır.
Albaniya milli futbol komandasının qapıçısı olmuş Mikel Yanku həm də qırıcı təyyarə pilotu idi.
"Kalmar oyunu" serialının populyarlığı Cənubi Koreyada dalqona şirniyyatının küçə satışlarını iki dəfə artırmışdır.
Britaniyalı psixoloq yaratdığı düsturla ilin ən kədərli gününün adətən yanvarın üçüncü bazar ertəsinə təsadüf etdiyini irəli sürüb.