Kotse

Mga kotse asin mga trak nagmamaneho sa sarong divided highway, Highway 401 sa Ontario, Canada

An kotse iyo an de-motor na lunadan na may ruweda. An kadaklan na pakahulogan sa mga kotse iyo an sa pangenot sinda nagdadalagan sa tinampo, an tukawan pansaroan sagkod sa walong tawo, igwa nin apat na ruweda, asin nagtatransport nin mga tawo, bakong kargo.

An mga kotse may kontrol sa pagmaneho, pagparada, pasaherong kagianan, asin sa manlaen-laen na pagpapailaw. Sa pag'isog nin mga dekada, mga dagdag na sangkap asin kontrol an idinugang sa mga behikulo, na mangyari nagin ini mas komplikado. Kabali igdi an kamera sa pag'aatras, air conditioning, mga sistema nin pagnabegasyon, asin lingaan sa laog nin kotse. Haros gabos na kotse gamit kan kaamayi nin 2020 pinauugsod nin internal combustion engine, na ginagatongan paagi nin combustion kan inapod na fossil fuel. An mga sinasabing awto elektriko, na naimbento amay pa sa historya nin awto, nagtungang mababakal kan mga taon 2000 asin tinatantyang magigin mas barato sa presyo kesa kan mga awtong de gasolina pag'abot kan taon na 2025. An pagdakit hale sa fossil fuel pasiring sa mga awtong elektriko nangungurog na sa mga pagluluya kan nakakaratak na paghira nin klima , siring sa sinasabing Project Drawdown na may 100 na magigibong solusyon para sa paghirang-klima.