Свейн Б’ёрнсан

Свейн Б'ёрнсан
Sveinn Björnsson
1-ы Прэзідэнт Ісландыі 17 чэрвеня 1944 — 25 студзеня 1952
Папярэднік	пасада зацверджаная; Крысціян X як Кароль Ісландыі
Пераемнік	Аўсгейр Аўсгейрсан
Рэгент Ісландыі 1941 — 1944
Манарх	Крысціян X
Нараджэнне	27 лютага 1881(1881-02-27) Капенгаген, Данія, Каралеўства Данія
Смерць	25 студзеня 1952(1952-01-25) (70 гадоў) Рэйк’явік, Рейк’явікурбарг[d], Хёвюдбаргарсвайдыд[d], Ісландыя
Бацька	Б'ёрн Ёўнсан[d]
Жонка	Georgia Björnsson[d]
Дзеці	Б'ёрн Свейнсан Б'ёрнсан[d] і Henrik Sveinsson Björnsson[d]
Адукацыя	Капенгагенскі ўніверсітэт Рэйк'явіцкая гімназія (1900)
Узнагароды
Медыяфайлы на Вікісховішчы

Свейн Б'ёрнсан (ісл.: Sveinn Björnsson; 27 лютага 1881 — 25 студзеня 1952) — першы прэзідэнт незалежнай Ісландыі.

Біяграфія

Нарадзіўся 27 лютага 1881 у Капенгагене. У 1912 стаў членам Гарадскога савета Рэйк’явіка. У 1914—1916 і ў 1920 быў членам ісландскага парламента — Альтынга. Пасля здабыцця Ісландыяй аўтаноміі ў 1918 стаў прэзідэнтам Гарадскога савета Рэйк’явіка (да 1920). У тыя ж гады займаў кіруючыя пасады ў розных кампаніях і банкаўскіх установах Ісландыі. У 1920—1924 і 1926—1940 пасланнік Ісландыі ў Даніі. У 1941—1944 — рэгент Ісландыі.

24 мая 1944 у Ісландыі быў праведзены рэферэндум аб незалежнасці ад Даніі. На рэферэндуме было прынята станоўча рашэнне і 17 чэрвеня 1944 Альтынг выбірае Б'ёрнсана першым прэзідэнтам Ісландыі тэрмінам на 1 год.

У 1945 пераабіраецца ўсенародным галасаваннем, у 1949 пераабіраецца на наступны тэрмін. Памёр 25 студзеня 1952 падчас чарговага прэзідэнцкага тэрміну. Пасля яго смерці краінай кіруе трыумвірат з старшыні Альтынга, прэм'ер-міністра і Галоўнага суддзі Вярхоўнага Суда да абрання наступнага прэзідэнта.