Snowboard
Ur Snowboard (Snow: erc'h, board: plankenn) a vez graet eus ur plankenn implijet evit ruzañ war an erc'h. Pep troad a vez lakaet en ur skoulm stag a-us d'ar plankenn. Ledander ur plankenn snowboard zo etre 15 ha 30 santimetr. Disheñvel eo ar plankennoù-erc'h diouzh ar monoski. Implijet e vez ar plankennoù-erc'h gant an dud evit skiañ war ar menezioù evit an dudi, evit seveniñ lammoù, pe evit kenstrivedegoù.
