o-unan
Brezhoneg
Etimologiezh
- Diwar ar ger-perc'hennañ o hag unan.
Adverb
o-unan /oˈỹːnãn/
- Int hepken.
- ... ; ar vein a seblante bezañ tec'het anezhe o-unan hag a oa regennet tro-dro war-hed-taol d'ar bez. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 25.)
- An dud o deus aon da gouezhañ diwar o zreid, a wel an traoù o treiñ en-dro dezho, a zo o vont da semplañ, da gouezhañ en droug-sant, a vo mat dezho kemer dour melis eus an apotikerezh, gwelloc’h aozet eo an dour-se eget an hini a rafent o-unan. — (Loeiz ar Floc'h, E louzou da bep klenved, in An Oaled, niv. 35, 1931, p. 13.)
- O-unan ec'h aozent o madigoù ha, ..., — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 31.)
- Mezvet eo ar ganerien gant o fringol o-unan ha gant anal domm an noz. — (Youenn Drezen, Sizhun ar Breur Arturo, Al Liamm, 1971, p. 13.)
- A bep seurt a vez : leñvañ a ra lod, en em lakaat a ra lod all da randonenniñ evite o-unan, ... — (Yann Gerven, Brestiz o vreskenn, Al Liamm, 1986, p. 15.)
- Bugale ar re-se n'eont ket o-unan ken na vezont c'hwec'h vloaz. — (Jules Gros, Le trésor du breton parlé Troisième Partie, 1974, p. 14.)
- Doue, [...], a lezas e vugale da ober o fenn o-unan. — (Lan Inizan, Emgann Kergidu 1, Brest, 1877, eil emb. Al Liamm 1977, p. 11.)
- – .... Ret din mont e penn a-raok an tren, ur c'hombod evito o-unan o deus ar Brefeded. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 102.)
- ... : kernioù blevek pe disto ar baotred, kernioù gloanek ar merc'hed, gant o blev a bep seurt livioù, nemet o livioù dezho o-unan. — (Goulc'han Kervella, Brezel ar Rigadell, Al Liamm, 1994, p. 32.)
- Anezho o-unan, o selloù a droas war du ar reter, ... — (Jakez Konan, Lannevern e kañv ha danevelloù all, Al Liamm, 1980, p. 53.)
- Evit doare int laouen hag eürus eno o-unan, rak n'eus den all ebet en enez-ze ; ... — (G. MILIN, Gwechall-goz e oa..., Kemper, 1924, p. 76.)
- Hag eñ da reiñ dezhe ur c'helorniad gwinizh ha maiz mesket a-raok lezel anezhe o-unan. — (Fañch Peru, Kañfarded Milin ar Wern, Skol Vreizh, 2008, p. 19.)
- ... : barrek e oant, emezo, d'ober o-unan war dro poblañs ar vro evit pezh a selle ouzh ar bevañs, ... — (Jarl Priel, Va Zammig Buhez, Al Liamm, 1954, p. 94.)
- Bremañ emañ an daou gozh o-unan er c'hroaz-hent. — (Jakez Riou, Geotenn ar Werc'hez ha danevelloù all, Al Liamm, 1957, p. 44.)
- hep skoazell den ebet
- Bezañ zo tud, pa c'hallont skrapat o revr o-unan, a vez glorus. — (Jules Gros, Le trésor du breton parlé Deuxième Partie, 1970, p. 443.)
Troidigezhioù
- galleg : (elles) en personne (fr) , (eux) en personne (fr) , elles-mêmes (fr) , eux-mêmes (fr) , (elles) seules (fr) , (eux) seuls (fr)
Gwelout ivez :