Erdaviraf
Kıtabê Erdavirafi, kıtabo ke demê İmperatoriya Sasaniyan de zıwanê Pehlewki ra nusiyao, 8,800 vatışan ra yeno pêra. Kıtab miyan de, yew dindarê Zerduşti şıno alemê bini u uca de geyreno. Erda Viraf semedê dindariya xo mocnayene, alemê bini sero geyrayışi gêno xo ser. O taw zi İran de dinê ğeribi zi veciyê. Erda Viraf uca de şerab şımeno u rohê xo şıno alemê bini. İta de yew cêniye be namê Deni ey rê asena. Erdaviraf Pırdê Çinvati sero vêreno ra. Çinvati ra tepeya zi Erdaviraf şıno behışt u Ahura Mazdayi vêneno. Behışt ra tepeya zi Erdaviraf yeno war u ceheneme vêneno. İta de zi kamê ke dej ancenê, ê asenê.
Tewr pey de, ziyaretê xo ra tepeya zi Ahura Mazda musneno Erdavirafi ke dinê Zerduşti raya teyna rında u raya dınyaya teyna raşta.[1]