Ballymena

Ballymena an Baile Meánach An Baile Meánach
herria
Ballymena hiriko udaletxea. Irudi gehiago
Administrazioa
Herrialdea	Erresuma Batua
Herrialdea Lurraldea Lurralde Historikoa Konderria	Erresuma Batua Ipar Irlanda Ulster Antrimeko konderria
Jatorrizko izena	An Baile Meánach
Posta kodea	BT42, BT43, BT44B
Geografia
Koordenatuak	54°51′43″N 6°16′05″W
Demografia
Biztanleria	31.205 (2021) 29.467 (2011) 28.704 (2001) (2011)
Informazio gehigarria
Telefono aurrizkia	028
Hiri senidetuak	Castlebar, Gibraltar eta Morehead
http://www.ballymena.gov.uk/ www.ballymena.gov.uk

Ballymena (irlanderaz: an Baile Meánach, «Hiriarte», «Hiri erdigunea») Ipar Irlandako iparraldeko hiri bat da, Antrimeko konderrikoa. 2001eko erroldan, 28.717 biztanle zituen.

Historia

Giza aztarna zaharrenak ringfort (gotorleku biribilak) batzuk dira. V. mendean hiritik zortzi kilometro hegoaldera eliza bat eraiki zen, eta ondoren Templemoyle monasterioa. 831n, bikingoek ingurua inbaditu eta elizak erre zituzten. XII. mendean, eremua anglonormandarrek konkistatu zuten eta zurezko babes dorreak eraiki.

Elisabet I.a Ingalaterrakoak 1576an inguruko lurrak Sir Thomas Smithi eman zizkion, Ballymena herrixka barne, eta horrek kolono ingelesak eraman zituen. Hurrengo urteetan, hainbat jabe izan zituen, azkenik 1626an Karlos I.ak William Adair eskoziarraren esku utzi arte. Baldintza bakarra ezarri zion, urtean bitan merkatu feria egin zedin, bai eta larunbat batean ere: ohiturak oraindik dirau.

1900ean Ballymena hiri bihurtu zen. 1919an udaletxeak su hartu zuenez, berria eraiki behar izan zen. 1939rako jadanik 13.000 biztanle zituen. Bigarren Mundu Gerra izan zen bitartean, hiriak Gibraltarreko errefuxiatuak hartu zituen. XX. mendeko azken hamarkadetan hainbat atentatu izan ziren han: guztira, 11 lagun hil ziren eta talde paramilitarren presentzia asko handitu zen, bereziki Ulsterren Defentsarako Elkartearen (UDA) hegoaldeko adarra.

Kirolak

Hiriko kirol taldea Ballymena United da. Ez du inoiz ligarik irabazi (2019an bigarren egin zuen) baina Ipar Irlandako sei Kopa eskuratu ditu historian zehar.

Hiritar ezagunak

• Roger Casement (1864-1916), iraultzailea, Ballymenan hazia.
• Liam Neeson (1952-), aktorea.
• James Nesbitt (1965-), aktorea.

Hiri senidetuak

• Gibraltar

Iruditegia

• 
  Erdiguneko kalea.
• 
  San Patrizio eliza.
• 
  Erdigunea.
• 
  Konderriko agintaritzaren egoitza.

Kanpo estekak

• Ballymena hiriko webgunea

• Datuak: Q805451
• Multimedia: Ballymena / Q805451