Sex Pistols

Sex Pistols
Johnny Rotten
Datuak
Jatorria	Londres (Erresuma Batua)
Musika mota	Punka
Urteak	1975 - 1978
Produkzioa
Sariak
Jasotako sariak	ikusi Rock and Roll Hall of Fame  (2006)
Informazio gehigarria
www.sexpistols.com

Sex Pistols punk musika taldea zen, Londresen 1975ean sortua. Mugimendu punka jarri zuten abian Erresuma Batuan, eta rock musikari andanaren eredua izan dira, nahiz eta haien ibilaldi profesionalak bi urte eta erdi baino ez iraun, eta 4 single eta estudio album bakarra ondu (Never Mind the Bollocks, Here's the Sex Pistols). Taldearen abestirik ezagunetarikoak God Save the Queen eta Anarchy in the U.K. dira.

Hasierako kideak hauek ziren: Johnny Rotten abeslaria, Steve Jones gitarra-jotzailea, Paul Cook bateria-jotzailea eta Glen Matlock baxu-jotzailea. Sid Viciousek ordezkatu zuen Matlock 1977ko hasieran. Malcolm McLaren enpresariaren zuzendaritzapean, hautsak harrotu zituzten Erresuma Batuan. Maiz, kontzertuek oztopo ugari zituzten antolatzaile eta agintariekin, baina jendez betetzen ziren.

1978ko urtarrilean, AEBetan zehar bira istilutsua egin ondoren, Rottenek taldea utzi zuen. Hurrengo hilabeteetan, gainerako hiru kideek kantak grabatu zituzten Sex Pistolsen historia islatu zuen filmerako: The Great Rock 'n' Roll Swindle. Sid Vicious 1979ko otsailean hil zen, heroinaren gaindosiak jota. Besteak 1996an batu ziren berriz, Filthy Lucre Tour izeneko bira egiteko. 2002az geroztik, gehiagotan elkartu dira show eta bira gehiago egiteko.

Kanpo estekak

• Datuak: Q82545
• Multimedia: Sex Pistols / Q82545