Etiopisk kalender
 Tekst üüb Öömrang
|
Di Etiopisk kalender as di kalender, di uun Etiopien brükt woort.
Juaren
[Bewerke | Kweltekst bewerke]A juaren luup di Gregoriaans kalender sööwen juar an amanbi aacht muuner bääftuun. Det kalenderjuar begant di 11., of uun't juar föör en skregeljuar di 12. September. Det etiopisk juar 2000 begand sodenang di 12. September 2007. Uk di etiopisk kalender gongt üüb det juar turag, huar Jiises Krast bäären wurd, man det wiar uun't juar 5500 efter't skeeben faan a welt - üs am doomools mend. A juaren efter Jiises san gebursdai wurd ዓመተ ምሕረት (amätä mïhrat; „a juaren faan't barmhartaghaid“; ufkört: ዓ.ም.) näämd.
A juaren föör Krast wurd ei turag tääld, jo began uun't juar 5493 f.Kr. tu täälen an ling do bit tu't juar 8. Jodiar juaren wurd ዓመተ ዓለም (amätä aläm; „juaren faan a welt“) näämd an mä ዓ.ዓ. ufkört.
Muuner
[Bewerke | Kweltekst bewerke]Di etiopisk kalender hää 13 muuner, huarbi a iarst 12 leewen 30 daar, di 13. oober man 5 of 6 daar hää. Det as di skregelmuun (Ṗagumen, faan greks: Epagomenen).
| Ualetiopisk, Tigrinya, Amharisk | Koptisk | Began efter Gregoriaans kalender | Began föör/uun en skregeljuar |
|---|---|---|---|
| መስከረም (Mäskäräm) | Tut | 11. September | 12. September |
| ጥቅምት (Ṭəqəmt) | Babah | 11. Oktuuber | 12. Oktuuber |
| ኅዳር (Ḫədar) | Hatur | 10. Nofember | 11. Nofember |
| ታኅሣሥ (Taḫśaś) | Kiyahk | 10. Detsember | 11. Detsember |
| ጥር (Ṭərr) | Tubah | 9. Janewoore | 10. Janewoore |
| የካቲት (Yäkatit; Tn. Läkatit) | Amshir | 8. Febrewoore | 9. Febrewoore |
| መጋቢት (Mägabit) | Baramhat | 10. Marts | |
| ሚያዝያ (Miyazya) | Baramundah | 9. April | |
| ግንቦት (Gənbot) | Bashans | 9. Mei | |
| ሰኔ (Säne) | Ba'unah | 8. Jüüne | |
| ሐምሌ (Ḥamle) | Abib | 8. Jüüle | |
| ነሐሴ (Nähase) | Misra | 7. August | |
| ጳጉሜ (Ṗagumen) | Nasi | 6. September |
Luke uk diar
[Bewerke | Kweltekst bewerke]Literatuur
[Bewerke | Kweltekst bewerke]- Friedrich Karl Ginzel: Handbuch der mathematischen und technischen Chronologie. Das Zeitrechnungswesen der Völker. Band 3: Zeitrechnung der Makedonier, Kleinasier und Syrer, der Germanen und Kelten, des Mittelalters, der Byzantiner (und Russen), Armenier, Kopten, Abessinier, Zeitrechnung der neueren Zeit, sowie Nachträge zu den drei Bänden. J. C. Hinrichs, Leipzig 1906.