Ribosoom
 Tekst üüb Öömrang
|
Ribosoomen san grat molekulaar kompleksen faan proteinen an ribonukleinsüren (RNA), diar uun cytoplasma, uun mitochondrien an chloroplasten föörkem. Diar wurd proteinen apbaud, so üs a geenen uun't DNA det föörsä. Enkelt aminosüren wurd efter det geneetisk informatsion tu grat moleküülkeeden tuupsaat. Ribosoomen san 20 - 25 nm grat.
Funktjuun
[Bewerke | Kweltekst bewerke]Det mRNA auerdrait det informatsion faan't DNA tu't ribosoom. Det amsaaten faan a mRNA-informatjuunen tu keeden faan aminosüren het translation. Didiar föörgung komt bi aal at labenen föör; hi as en kääntiaken faan leewent, so üs wi det kään.[1]
Kwelen
[Bewerke | Kweltekst bewerke]- ↑ Hans G. Kloepfer Struktur und Funktion von Ribosomen uun: Chemie in unserer Zeit, binj 7, numer 2, 1973, sidjen 49–58 doi:10.1002/ciuz.19730070204 ISSN 0009-2851