Petroli

Il petroli (dal grêc πέτρα–cret e έλαιο–vuelin) al è un compost complès inflamabil no omogjeni di idrocarbûrs, ven a stâi composcj di idrogjen e carboni. E je une risorse naturâl no rinovabil e al moment ancje la principâl font di energjie intai paîs svilupâts.

I components chimics dal petroli si separin e si oten par distilazion par mieç di un procès di rafinazion. Di lui si tirin fûr prodots difarents: si segnalin il propan e il butan, il gasoli o nafte, il cherosen, l'asfalt e v.i.

Il petroli si cjate in gjenar associât cun grandis bolis di gas naturâl, in jaciments sot tiere dulà che e jere materie organiche, che, restade par un grum di agns intun ambient cence ossigjen, si trasforme in idrocarbûrs.