Aecio de Amida

Aecio de Amida

Biografía
Nacemento	502 (Gregoriano) Diyarbakır, Turquía (pt)
Morte	575 (Gregoriano) (72/73 anos) Alexandría, Exipto
Actividade
Ocupación	médico, escritor
Período de tempo	Imperio Bizantino
Período de actividade	(Con vida en: século VI )
Descrito pola fonte	Paulys Realenzyklopädie der klassischen Altertumswissenschaft 1870 Dictionary of Greek and Roman Biography and Mythology (en) , (sec:Aetius) Encyclopædia Britannica

Aecio de Amida (en grego antigo: Ἀέτιος Ἀμιδηνός, latín: Aëtius Amidenus), nado en Amida, sueste da Anatolia en 502 e finado en 575, foi un escritor e médico bizantino, especialmente distinguido pola súa grande erudición. Os historiadores non están de acordo sobre o período histórico en que viviu. É descrito por algúns escritores como vivindo o século IV; mais é evidente, a partir dos seus propios traballos, que estivo en plena actividade a finais do século V, ou comezos do VI, unha vez que se refire non só ao patriarca Cirilo de Alexandría, que morreu en 444, mais tamén a Pedro 'arquiatro' (o primeiro dos médicos), que podería ser identificado co médico de Teodorico o Grande, a quen define como sendo un contemporáneo. El mesmo é citado por Alexandre de Trales, que viviu probabelmente a mediados do século VI. Era probabelmente cristián, o que talvez poida ser explicado, por ser confundido con Aecio de Antioquía, un famoso ariano, que viviu no tempo do emperador Xuliano.