Arroz vaporizado

O arroz vaporizado obtense tras meter o arroz con casca en auga a 60 °C e logo sometelo a unha forte presión de vapor, eliminándose así gran parte do amidón, mais conservando vitaminas e sales minerais que os arroces tradicionais perden durante o seu puído. O proceso de vaporizado fai que o arroz sexa máis fácil de procesar a man, mellora o seu perfil nutricional e muda a súa textura.

Puír o arroz a man, é dicir, retirar a capa de fibra, é máis fácil se o arroz foi vaporizado. O amidón do arroz vaporizado xelatinízase, facéndose máis duro e brillante que outros arroces. Por isto require máis tempo de cocción, quedando máis firme e menos pegañento. En diversos países, o arroz vaporizado precocíñase para acurtar o tempo de cocción.

E aínda que o arroz sofre un precocemento, onde os nutrientes, especialmente a tiamina, do pericarpo son parcialmente pasados para a cariopse do gran, o arroz parboilizado é naturalmente máis nutritivo, pois ningún composto químico é adicionado ao proceso. O seu sabor característico e o seu ton amarelado son consecuencia da mudanza da estrutura do amidón e fixación dos nutrientes, o que indica que o arroz parboilizado ten preservadas as súas propiedades nutritivas naturais.^[1]