Cantón de Schwyz

Cantón de Schwyz

Schwyz (de)
Epónimo	Schwyz (pt)
Localización
47°04′N 8°45′L
Estado federado	Suíza
Capital	Schwyz (pt)
Contén a división administrativa	Distrito de Höfe (pt) Einsiedeln District (en) Gersau District (en) Küssnacht District (en) March District (en) Schwyz District (en)
Poboación
Poboación	159.165 (2018) (175,32 hab./km²)
Lingua oficial	Swiss High German (en)
Xeografía
Parte de	Central Switzerland (en)
Superficie	907,88 km²
Altitude	516 m
Punto máis alto	Bös Fulen (en) (2.801 m)
Punto máis baixo	lago de Zürich (406 m)
Comparte fronteira con	Cantón de Uri Cantón de Zug Cantón de Lucerna Nidwalden Cantón de Zürich Cantón de Glarus Cantón de San Galo Obwalden
Creación	1240
Organización política
Órgano lexislativo	Cantonal Council of Schwyz (en) , (Escano: 100)
Identificador descritivo
Fuso horario	UTC+01:00, horario estándar UTC+02:00, horario de verán
ISO 3166-2	CH-SZ
Código NUTS	CH063
Páxina web	sz.ch

O Cantón de Schwyz (en alemán: Schwyz, francés: Schwytz, en italiano: Svitto, en romanche: Sviz) é un cantón da confederación Suíza. É unha das tres comunidades rurais, xunto con Uri e Unterwalden, que fundaron a confederación. O cantón está cercado polo Lago dos Catro Cantóns (Lago de Lucerna) ao sur e o Lago de Zürich ao norte.

Schwyz no Lago Lucerna, o monte Rigi e o Lago Lauerz, vistos dende Grosser Mythen

No 2007 a poboación era de 140.965. Cun territorio de 908 km², a densidade de poboación é de 153 hab/km².

Entre os residentes atópase o extenista Boris Becker.

Historia do topónimo

O nome Schwyz recóllese por primeira vez en 972 como Suittes, o que a conecta cun líder lendario dos alamáns chamado Suito, que se dixo que se estableceu na área no século VII. O nome estendeuse á zona controlada por Schwyz, (o Ccantón de Schwyz) e máis tarde á Antiga Confederación Suíza: aínda que que outros cantóns tendían a estar en desacordo con esta denominación no século XV, o termo Schywzer adoptouse como autodenominación despois do 1499, e empregouse para designar abusos na Guerra Suaba e Eidgenossenschaft e Schwytzerland usáronse de forma intercambiable no século XVI.

Na capital consérvanse os arquivos nacionais da confederación, no Museo Nacional de Letras (Bundesbriefmuseum), no que se mostra o estatuto de 1291 polo cal os cantóns de Schwyz, Uri e Unterwalden declaráronse independentes do Imperio.

Xeografía

O cantón de Schwyz está situado na Suíza central. As tres cuartas partes do territorio están cubertas por outeiros, o que permite que estas terras sexan aptas para a agricultura. Da terra produtiva preto de 240 km² están cubertos de fragas. Os lagos ocupan 65 km². Esta área está composta por parte do Lago de Lucerna e do Lago de Zürich. Só unha pequena parte do Lago de Zug está dentro do cantón. Outros lagos máis pequenos son o Lago de Lauerz (Lauerzersee) e o Lago do Sihl (Sihlsee), que están completamente ao interior do cantón.

O territorio cantonal limita cos cantóns de: Zug, Zürich e Sankt Gallen ao norte, con Glarus ao leste, con Uri e Nidwalden ao sur, e con Lucerna ao leste.

O punto máis alto é o Ortstock con 2.716 msnm, aínda que a montaña máis famosa do cantón é o Rigi (Kulm, 1.798 msnm, e Scheidegg, 1.665 msnm). A superficie total do cantón é de 908 km².

Historia

No norte do cantón, preto do lago de Zürich, atopáronse indicios dun poboamento da zona dende fai 5.000 anos. Acháronse vestixios que datan da idade da Pedra e da Idade de Bronce.

Hai uns 1.400 anos, as tribos xermánicas asentáronse no territorio do cantón; isto influenciou a agricultura e a forma de vida dos locais. O cristianismo só chegou no século VII.

O 1 de agosto de 1291, o cantón de Schwyz fundou a Confederación Helvética xunto cos cantóns de Uri e Unterwalden. O cantón de Schwyz foi quen guiou á Confederación, de forma que en 1320 o nome do cantón era aplicado para toda a confederación, ata que en 1803 o nome de Suíza (Schweiz) converteuse no nome oficial da nación. O nome da nación (Schweiz) derívase xustamente do nome de Schwyz, como o é igualmente a bandeira da Confederación.

Moeda conmemorativa do Festival Federal de Tiro de Schwyz de 1867

Entre 1798 e 1803 o cantón de Schwyz formou parte da República Helvética. Enseguida recuperou a súa independencia e moitos dos cambios introducidos por Napoleón foron anulados. Isto causou a división do cantón; en 1830 creouse o cantón Schwyz externo, pero este reunificouse en 1833. En 1845 o cantón uniuse á liga separatista católica romana (Sonderbund). Isto permitiu que o cantón volvese ser un membro de pleno dereito da Confederación.

A constitución de 1848 puxo fin á asemblea pública (Landsgemeinde: os habitantes do cantón reuníanse e decidían as leis). A constitución foi revisada no 1876 e 1898.

Economía

Gran parte do cantón depende da agricultura. A raza de bovinos local é famosa. O téxtil foi de grande importancia para o cantón, pero agora cesaron case de producirse. A poboación concéntrase ao redor da capital Schwyz, na que se atopan varias fábricas de artigos de luxo.

Freienbach, na parte norte do cantón, é coñecida por ter os impostos máis baixos de toda Suíza, o que atrae a un gran número de persoas adiñeiradas.

Demografía

O cantón de Schwyz conta con preto de 131.400 habitantes (2002). A lingua oficial é o alemán, aínda que a xente fala o dialecto da Suíza central. A relixión principal é o catolicismo.

Municipalidades

As cidades máis grandes son Schwyz e Einsiedeln. O cantón está dividido en seis distritos e 30 municipalidades.