Peter Bosz

Peter Bosz

Biografía
Nacemento	21 de novembro de 1963 (60 anos) Apeldoorn, Países Baixos
Altura	178 cm
Peso	75 kg
Actividade
Ocupación	futbolista (1981–1999), adestrador de fútbol
Nacionalidade deportiva	Países Baixos
Deporte	fútbol
Liga	Fußball-Bundesliga
Posición de xogo	Centrocampista
Traxectoria   Equipo 1981–1984 Vitesse Arnhem 81 (2) 1984–1985 AGOVV Apeldoorn 1985–1988 RKC Waalwijk 105 (4) 1988–1991 Sporting Toulon Var 93 (0) 1991–1996 Feyenoord Rotterdam 155 (6) 1996–1997 JEF United Ichihara Chiba 36 (3) 1998–1998 F.C. Hansa Rostock 14 (0) 1998–1999 NAC Breda 26 (1) 1999–1999 JEF United Ichihara Chiba 11 (0)   Selección nacional 1991–1995   Países Baixos 8 (0)   Adestrador 2016–2017 AFC Ajax 2021–2022 Olympique Lyonnais 2023– PSV Eindhoven
Participou en
xuño de 1992	Eurocopa de Fútbol Suecia 1992

Peter Bosz, nado o 21 de novembro de 1963 en Apeldoorn, é un ex xogador e adestrador de fútbol dos Países Baixos, desde xullo de 2016 é o adestrador do AFC Ajax.

Traxectoria

Bosz (dereita) e Ruud Gullit co equipo nacional holandés en 1988.

Centrocampista de éxito, Bosz comezou a súa carreira profesional c Vitesse en 1981 e logo dunha cesión en 1984 ao AGOVV Apeldoorn, entón afeccionado, volveu ao fútbol profesional co RKC Waalwijk (1985-1988) para pasar despois ao fútbol francés co SC Toulon (1988-1991) tras do que volveu aos Países Baixos para xogar durante seis tempadas co Feyenoord (1991-1996). En 1996 fichou polo equipo xaponés JEF United Ichihara (1996–97), ao que lle seguiu o club alemán Hansa Rostock (1997–98) e o holandés NAC Breda (1998–99). Retirouse no termo do ano 1999 após un segundo período con JEF United Ichihara.

Bosz en 1988

Adestrador

O seu primeiro club como adestrador foi o AGOVV Apeldoorn (2000-2002) co que logrou en 2002 o campionato de afeccionados. Comezou no fútbol profesional en 2002 como adestrador do De Graafschap (2002–2003), o equipo rematou o último e baixou á segunda división. O seu seguinte equipo foi o Heracles Almelo (2004–2006), na primeira tempada quedou primeiro da segunda división e logrou o pase á máxima categoría na seguinte tempada asegurou a súa permanencia ao rematar no 13º lugar.

En xullo de 2006 aceptou unha oferta como director técnico do Feyenoord, e así foi responsable das fichaxes (entre outros) de Giovanni van Bronckhorst, Roy Makaay, Tim de Cler, Kevin Hofland e Denny Landzaat. Deixou o posto o 14 de xaneiro de 2009 pola súa oposición ao despedimento do primeiro adestrador Gertjan Verbeek.

No verán de 2010 volveu ao Heracles Almelo, ao substituír a Verbeek que fichara polo AZ Alkmaar. O equipo finalizou oitavo na liga, asegurándose a súa participación na rolda de cualificación para a competición europea, onde o eliminou o FC Groningen e o Heracles acabou 12º nas tempadas 2011–12 e 2012–13. Deixou o club en 2013.

Vitesse

O 19 de xuño de 2013 Bosz converteuse en adestrador do Vitesse, asinando un contrato de dous anos, acompañouno como segundo Hendrie Krüzen procedente tamén do Heracles. En novembro de 2013 o Vitesse era primeiro da liga por primeira volta desde 2006, e a metade da tempada mantiña a posición, non obstante o equipo rematou na sexta praza.

A tempada seguinte Bosz estendeu o seu contrato ata 2016 e xunto co director técnico Mohammed Allach desenvolveu un plan plurianual, no que lle outorgaba á canteira do Vitesse un papel fundamental, así como ao desenvolvemento do ataque. Na tempada 2014–15 o Vitesse rematou quinto cualificándose para a rolda de clasificación europea. Derrotou ao PEC Zwolle na semifinal e ao SC Heerenveen na final, asegurándose a súa participación na terceira rolda da UEFA Europa League 2015-16. Cando Bosz deixou o equipo, no inverno da tempada 2015–16, o Vitesse era quinto.

AFC Ajax

Tras unha breve estada en Israel, dirixindo o Maccabi Tel Aviv de xaneiro a maio de 2016, firmou polo AFC Ajax por tres anos. No seu primeiro partido de competición o 27 de xullo o seu equipo empatou 1–1 contra o PAOK na terceira rolda de cualificación para a Liga de Campións, e no seguinte partido perdeu 5–2 contra o FC Rostov.