Քաղաքը տեղակայված է Ահմադաբադից 23 կմ դեպի հյուսիս և Բոմբեյ քաղաքի մոտավորապես 464 կմ դեպի հյուսիս-արևմուտք։ Այն գտնվում է ծովի մակարդակից 80 մ բարձրության վրա[4]։ Գանդինագարը կանաչ քաղաք է, նրա ընդհանուր տարածքի մոտավորապես 54 %-ը կազմում են ծառերը[5]։
Գանդինագարն ունի արևադարձային մուսոնային կլիմա, որում կարելի է հստակ առանձնացնել 3 եղանակ՝ ձմեռ, ամառ և անձրևների սեզոն։ Բացառությամբ անձրևների սեզոնի՝ կլիման հիմնականում տաք է և չոր։ Առավել տաք շրջանը մարտից հունիս ընկած ժամանակաշրջանն է, երբ միջին առավելագույնը կամզում է 36-ից մինչև 42 °C, իսկ նվազագույնը՝ 19-ից մինչև 27 °C: Առավել սառը շրջանը դեկտեմբեր և հունվար ամիսներն են, երբ միջին առավելագույնը կամզում է մոտավորապես 29 °C, իսկ նվազագույնը՝ 14 °C[7]: Տեղումների տարեկան միջին չափաքանակը կազմում է մոտավորապես 803 մմ։
2001 թվականի մարդահամարի տվյալների համաձայն՝ քաղաքի բնակչությունը կազմում է 195 891 մարդ, որի 53 %-ը կազմում են կանայք, իսկ 47 %-ը՝ տղամարդիկ։ Գրագիտության միջին մակարդակը կազմում է 77,11 % (82 %-ը տղամարդկանց համար և 73 %-ը կանանց համար)։ Գանդինագարի մոտավորապես 95 %-ը դավանում են հինդուիզմ[8]։
Քաղաքում տեղակայված է Գուջարաթ նահանգի խոշորագույն տաճարներից մեկը՝ Ակշարդհամը, որի շինարարությունն ավարտել է 1992 թվականին։ Տաճարն ուշադրություն է գրավել 2002 թվականին, երբ նրա վրա կազմակերպվել է ահաբեկիչների զինված հարձակում[9]։
Հնդկաստան
