Grammatika

Grammatika belgili bir tilde durıs oqıw hám jazıw qaǵıydaları.

Máselen, ispan tili grammatikası anglichan tili grammatikasınan ózgeshe. Olar hár qıylı qaǵıydalarǵa iye. Anglichan tilinde bizler "I like fast cars" dep aytıwımızǵa boladı, biraq ispan tilinde bul "me gustan los coches rápidos" boladı. Gápte sózlerdiń izbe-izligi ózgerdi: eger grammatikasız, tek ǵana sózler anglichan tiline awdarılǵanda bul "to me they please the cars fast" degendi ańlatar edi. Bul gáp anglichan tilinde nadurıs bolǵanı menen, ispan tilinde grammatikalıq jaqtan durıs esaplanadı. Sebebi ispan hám anglichan tillerindegi gápte sózlerdiń ornı haqqındaǵı qaǵıydalar hár qıylı.

Grammatika áste ózgermekte. Búgingi kúnde ádette qollanılatuǵın gápler bunnan 100 jıl aldın adamlarǵa qolaysız kóringen bolıwı múmkin. Geybir adamlar sóylesiwde basqalardan ózgeshe grammatikanı qollanıwı múmkin. Olar "I didn't do anything" nin' ornına "I didn't do nothing" dep aytıwı múmkin. Sebebi bul olardıń shańaraǵında yamasa olar jasaytuǵın ortalıqta ádettegidey bolıwı múmkin.