Флокуляция
ФЛОКУЛЯЦИЯ (латынша flocculі — үлпек, мақта) — коагуляттану кезінде дисперстік фаза бөлшектерінің борпылдақ мақта тәрізді агрегаттар (флокулалар) түзуі. Сұйық жүйедегі Флокуляция арнайы қоспа флокулянттар қосу арқылы жүреді және жылу мен механика әсер кезінде өршиді. Ең тиімді флокулянттарға еритін полимерлер (поликремний қышқылы, полиакриламид, полиакрил қышқылы, крахмал, т.б.) жатады. Бұлардың әсерін олардың жіпше созылған макромолекулаларының бірдей уақытта бірден бірнеше бөліктерге адсорбциялануымен түсіндіреді. Пайда болған агрегаттар мақта тәрізді түзілімдер түзеді. Оны тұндыру немесе сүзу арқылы бөліп алады. Флокуляция техника және тұрмыстық су даярлауда, пайдалы кендерді байытуда, топырақ құрамын жақсартуда, өндірістік ағынды суларды залалсыздандыруда, т.б. қолданылады.
Сілтемелер
[өңдеу | қайнарын өңдеу]«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IX том
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
 | Бұл мақаланы Уикипедия сапа талаптарына лайықты болуы үшін уикилендіру қажет. |