Computermaus

Eng Computermaus ass en Hëllefsinstrument fir e PC ze steieren.

Déi éischt Computermaus huet den Douglas C. Engelbart den 9. Dezember 1968 op der Hierschtversammlung vun der American Federation of Information Processing Societies, der AFIPS, zu San Francisco virgestallt. Et war eng hëlze Këschtche mat engem roude Knäppchen, zwee metalle Rieder, eent fir vertikal an dat anert fir horizontal Beweegungen, an engem Kabel mat engem flaache Stecker.