Jenoside
La Conveni sur Jenoside de la Nasiones Unida, cual ia es instituida en 1948, defina jenoside como un ata intendeda per destrui un popla (normal definada como un grupo etnica, nasional, razal, o reliosa) en tota o en parte. La parola es un combina de la parola elinica genos ("raza", "popla") e la sufisa latina -cide (la ata de mata"). La terma ia es creada par Raphael Lemkin en sua libro de 1944 Axis Rule in Occupied Europe ("La rena de la Axe en Europa ocupada").
Lo ia es aplicada a la Olocausto (la mata de sirca ses milion iudis, e de 11 milion plu persones variosa) e multe otra matas de masas incluinte la jenoside de americanes orijinal, de haiarenes, de elinicas, de asirianes, de serbsces, e de curdes, la Holodomor (un famia creada en Ucraina), la jenosides en Indonesia, en Guatemala, en Bangladex, en Camputxea, en Bosnia, en Darfur, e en Ruanda, e multe plu. La Political Instability Task Force ("forte cargada con la studia de nonstablia political") de la SUA ia estima ce, entre 1956 e 2016, 43 jenosides ia aveni, causante la mori de sirca 50 milion persones.