Diego Velázquez
| Diego Velázquez | |
|---|---|
 | |
| Nacimiento | 6 de júnio de 1599 Sebilha, Spanha |
| Muorte | 6 d'agosto de 1660 Madrid, Spanha |
| Nacionalidade |  spanhol
|
| Acupaçon | pintor |
| Percipales trabalhos | Las Meninas (1656), La Venus del espejo (1644-1648) La Rendición de Breda (1634-1635) |
Diego Rodríguez de Silva y Velázquez (Sebilha, 6 de júnio de 1599 — Madrid, 6 d'agosto de 1660) fui un pintor spanhol i percipal artista de la corte de l rei Felipe IV de Spanha.
Para alhá d'einúmaras anterpretaçones de cenas de seneficado stórico i cultural, pintou muitos retratos de la família rial spanhola, outras notables figuras ouropeias i plebeus, culminando na porduçon de sue obra-prima, Las Meninas (1656). Artista tecnicamente formidable, Velázquez fui, na oupenion de muitos críticos de arte, un ansuperable pintor de retratos.
L'obra de Velázquez fui un modelo pa ls pintores rialistas i ampressionistas, an special Édouard Manet, bien cumo para artistas mais modernos, cumo ls spanholes Pablo Picasso i Salvador Dalí, i l pintor anglo-irlandés Francis Bacon qu'houmenageou Velázquez recriando bárias de sues obras mais famosas.
Velázquez era filho dun abogado pertués, de la cidade de l Porto, que, an 1581, se fixou an Sebilha. La sue mai era d'ourige sebilhana.
