Football-Weltmeesterschop 1994
De Endrunn vun de 15. Football-Weltmeesterschop för Mannslüde is vun’n 17. Juni bit 17. Juli 1994 in de USA utspeelt wurrn. So weer dat al sess Johre ehrder, an’n 4. Juli 1988 bi en FIFA-Kongress in de Stadt Zürich beslaten wurrn. Bi de Vörrunn hefft 133 Länner mitmaakt, dormank 16 Länner, de to’n eersten Mol dorbi ween sünd. De Endrunn weer denn an’n 19. Dezember 1993 in Las Vegas utloost wurrn. Den Titel möss Düütschland verdedigen, dat veer Johre vördem gegen Argentinien Weltmeester wurrn weer. To’n eersten Mol is bi düsse WM in de Gruppenphase dat Dreepunktesystem bruukt wurrn. Weltmeester is Brasilien wurrn, datt mit 3:3 in Ölbenmeterscheten gegen Italien wunnen hett. De kolumbiaansche Footballspeler Andrés Escobar hett in en Gruppenspeel gegen de USA en Egendoor schaten. Vundeswegen hett Kolumbien mit 1:2 verlaren un is in de Vörrunn utscheedt. Escobar möss för düt Egendoor mit sien Leven betahlen. As he an’n 2. Juli 1994 in de Stadt Medellín spazeern güng, is he an’e Siet bröcht wurrn. Sien Mörder hett dor dat Woort „Goal“ (Door) bi schreet.
Uruguay 1930 | Italien 1934 | Frankriek 1938 | 1942 | Brasilien 1950 | Swiez 1954 | Sweden 1958 | Chile 1962 | England 1966 | Mexiko 1970 | Düütschland 1974 | Argentinien | Spanien 1982 | Mexiko 1986 | Italien 1990 | USA 1994 | Frankriek 1998 | Süüdkorea/Japan 2002 | Düütschland 2006 | Süüdafrika 2010 | Brasilien 2014 | Russland 2018 |