Aldehyd

Eit aldehyd er ei organisk sambinding der eit dobbeltbunde oksygenatom i enden av ei karbonkjede utgjer den funksjonelle gruppa. Dei systematiske namna til aldehyd vert danna ved å leggja endinga -al til namnet på det tilsvarande alkanet.

Aldehyd vert danna ved ufullstendig forbrenning av alkoholar, der hydroksylgruppa -OH vert oksidert til ketogruppa =O. (Namnet aldehyd kan tyda dehydrogenert alkohol.) Vidare oksidasjon av eit aldehyd gjev ei organisk syre.

Dei enklaste aldehyda er metanal og etanal. Desse kan dannast i kroppen som nedbrytingsprodukt av metanol og etanol.

Døme på aldehyd

• Metanal eller formaldehyd
• Etanal eller acetaldehyd
• Propanal

Sjå òg

• Keton
  Denne kjemiartikkelen er ei spire. Du kan hjelpe Nynorsk Wikipedia gjennom å utvide han.