Bibliotekar

Måleriet Bibliotekaren av Giuseppe Arcimboldo frå 1556.

Bibliotekar er ein yrkestittel for ein person tilsett ved eit bibliotek, i dag som regel også utdanna innan bibliotek- og informasjonsvitskap. Bibliotekarar kan organisera og vedlikehalda informasjon og dokument samla i eit bibliotek, og har gjerne også i oppgåve å formidla og tilretteleggja dette materialet for brukarar.

Den eldste omtalen av yrkesgruppa er frå Antikken i samband med Biblioteket i Alexandria.

I Noreg

Vigdis Moe Skarstein blei norsk nasjonalbibliotekar i 2004.

I Noreg slår Bibliotekloven av 1985 fast at kvar kommune er pålagt å ha eit offentleg bibliotektilbod, og at biblioteksjefar må vera fagutdanna i bibliotekaryrket. Den vanlegaste utdanninga i Noreg skjer ved Høgskolen i Oslo, der ein kan ta mastergrad i bibliotek- og informasjonsvitskap. Dokumentasjonsvitenskap ved Universitetet i Tromsø er også godkjend utdanning for bibliotekarar. NTNU i Trondheim, Høgskolen i Bergen og Høgskolen i Agder har også bibliotekarretta fag.

Kjelder

• Denne artikkelen bygger på «Bibliotekar» frå Wikipedia på bokmål, den 21. juli 2008.

Bakgrunnsstoff

• Dokumentasjonsvitenskap Arkivert 2007-06-10 ved Wayback Machine. ved UiT utdanner bibliotekarar
• Høgskolen i Oslo om bibliotekarar Arkivert 2006-04-30 ved Wayback Machine.
• Oppslagsordet «Bibliotekarie» i Nordisk familjebok frå 1905 (på svensk)
• Oppslagsordet «Bibliotekar» i Salmonsens konversationsleksikon frå 1915-1930 (på dansk)
  Denne litteraturartikkelen som har med utdanning å gjere, er ei spire. Du kan hjelpe Nynorsk Wikipedia gjennom å utvide han.