GoldenEye 007
| GoldenEye 007 | |||
| Utviklar(ar) | Rare | ||
|---|---|---|---|
| Utgjevar(ar) | Nintendo | ||
| Distributør | Nintendo | ||
| Kreativt ansvarleg(e) | Martin Hollis | ||
| Produsent(ar) | Martin Hollis | ||
| Forfattar | David Doak | ||
| Komponist(ar) | Graeme Norgate Robin Beanland Grant Kirkhope | ||
| Basert på | GoldenEye | ||
| Serie | James Bond | ||
| Plattform(er) | Nintendo 64 | ||
| Utgjeving | 25. august 1997 | ||
| Sjanger | Skytespel i førsteperson | ||
| Spelemodus | Einspelar, fleirspelar | ||
| Del av serien James Bond⠀ | |||
GoldenEye 007 er eit skytespel i førsteperson, utvikla av Rare og basert på James Bond-filmen GoldenEye. Det vart utgjeve til Nintendo 64 i august 1997. Spelet har ein einspelarkampanje der spelaren tek rolla som den britiske Secret Intelligence Service-agenten James Bond medan han kjempar for å hindre eit kriminelt syndikat frå å bruke eit satellittvåpen mot London for å skape ein global finanskollaps. Spelet inneheld også ein fleirspelarmodus med delt skjerm, der to, tre eller fire spelarar kan tevle i ulike typar deathmatch-spel.
GoldenEye 007 var utvikla over ein periode på to og eit halvt år av ei uerfaren gruppe leidd av Martin Hollis, som hadde arbeidd tidlegare på arkadeversjonen av Killer Instinct. Det var delvis tenkt som eit skytespel «på skjener», der spelaren følgjer ei fastlåst rute, inspirert av Virtua Cop frå Sega, men vart til slutt designa som eit ope skytespel der spelaren har full kontroll i alle retningar. Utviklarane tok lærdom frå Super Mario 64 når dei designa dei opne nivåa i spelet.[1] Spelet vart hylla av kritikarar og selde over åtte millionar kopiar verda over.[2][3]
I eit historisk attersyn er GoldenEye 007 vørdt som eit viktig spel innan skytespel-sjangeren, mellom anna for å demonstrere at sjangeren kunne fungere godt på spelkonsollar og for å markere ein overgang frå den, på den tida, arkadeliknande Doom-tilnærminga til ein meir realistisk stil.[4] Det introduserte banebrytande element som sniking og konsolltilpassa deathmatch-fleirspelarmodus. Ein spirituell oppfølgjar, Perfect Dark, vart utgjeven i 2000, medan ei nyutvikla utgåve av spelet, også titulert GoldenEye 007, vart utgjeven av Activision i 2010.[5]
Referansar
[endre | endre wikiteksten]- ↑ «Miyamoto suggested GoldenEye end with Bond shaking hands with all his enemies in a hospital». Eurogamer. Henta 19. august 2018.
- ↑ «GoldenEye 007 for Nintendo 64 Reviews». Metacritic. Henta 19. august 2018.
- ↑ «Top 10 Best-Selling Nintendo 64 Games - News». VGChartz. Henta 19. august 2018.
- ↑ «Nintendo 64 fyller 20 år». Gamer.no. Henta 19. august 2018.
- ↑ «Nye Goldeneye er rett rundt hjørnet». Gamer.no. Henta 19. august 2018.