Sexualidad

E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

Ilustacion di Kama Sutra, un texto hindu antiguo tocante sexualidad, erotismo y satisfaccion emocional

Sexualidad humano ta referi na e maneranan cu individuonan ta experencia y expresa nan mes sexualmente. E ta encera un rango amplio di sintimento y comportashonnan biologiko, psicologico, fisico, erotico, emocional, social y spiritual. Debi na su alcanse amplio y variabilidad historico, sexualidad humano ta falta un definicion precies.

E palabra sex generalmente ta referi na actonan sexual, mientras cu sexualidad ta encera un contexto mas amplio, inkluyendo sintimento di antoho.

E dimencionnan biologico y fisico di sexualidad ta enfoca principalmente riba funcion reproductivo y e ciclo di respons sexual humano. Orientacion sexual, un aspecto clave di sexualidad, ta describi e patronchi di atraccion sexual di un individuo pa e sexo opuesto, e mesun sexo, of tur dos. Sexualidad ta inclui tambe sintimento y comportacion relaciona cu deseo fisico y excitacion sexual, cual ta integral pa e expresion sexual.

E facetanan emocional y fisico di sexualidad ta inclui lasonan entre hende expresa pa medio di amor, confiansa y cuido, tantu emocional como fisicamente. Socialmente, sexualidad ta wordo influencia pa norma, ley y tabu di sociedad. Tabu hopi biaha ta conta pa preferencia y orientashonnan cu ta desvia for di e practica mayoritario di heterosexualidad.

Seksualidad ta esencial pa reproduccion, reinforsa relacion, y experencia plaser, manera durante actividadnan intimo. Na un nivel spiritual, e ta relaciona cu conexionnan mas profundo cu otro individuo. Adicionalmetne, sexualidad ta intercambia cu dimencionnan cultural, politico, huridico, filosofico, moral, etico, y religioso di bida.

Adam y Eva, sunu den e hofi di Eden. E representacion di e curpa sunu y sexualidad humano bou di influencia di cristianismo: e introduccion di e "blachi". Un pintura di Renasemento di Hans Baldung.

Detaye di un escultura na Tempel di Lakshmana na Khajuraho, India, desde aña 950 d.K.

Interes sexual tipicamente ta intensifica durante puberteit. Aunke ningun teoria tocante e origen di orientacion sexual a logra un akuerdo universal, evidencia ta faborece, fuertemente, influencianan biologico y no-social riba esnan sosial, particularmente den hende homber. Teorianan social, cu ta wordo sosteni, hopi biaha ta falta evidencia robusto y ta wordo contradeci pa varios factor. Investigacion trans-cultural tambe ta sostene e posicion aki, ya cu sociedadnan cu ta mas habri pa homosexualidad no ta exhibi cifranan significantemente mas halto cu sociedadnan mas cera pa e tema.

Teorianan evolucionario ta duna bista riba relacion sexual humano, strategianan reproductivo y comportacion sexual. Perspectivanan socio-cultural ta analisa tendencianan historico, creencianan religioso y actitudnan social, cu algun cultura ta wordo caracterisa como sexualmente oprimi. E estudio di sexualidad humano tambe ta inclui topiconan manera identidad personal denter di gruponan social, infeccionnan transmiti sexualmente, y metodonan pa controla nacemento.

Mira tambe e kategoria Human sexuality di Wikimedia Commons pa mas dato mediatiko tokante di e tema aki.

Referensia

• E artíkulo aki òf un vershon anterior di dje ta un tradukshon di e artíkulo Sexualidad riba e Wikipedia ingles, ku ta kai bao di e lisensia Creative Commons Attribution/Share Alike. Mira e historia di edishon einan.