Caràter cinèis
 |
Vos an lenga piemontèisa |
| Për amprende a dovré 'l sistema dle parlà locaj ch'a varda sì. |
 Ij carater cinèis a son sìmboj dovrà për scrive ël cinèis e ël giaponèis. Ant ël passà, ëdcò ël corean e ël giaponèis a-j dovravo. Ij prim dë sti caràter a l'han almanch 4000 agn e a son ël pi vej sistem dë scritura (dovrà an continuassion) dël mond. An cinèis a son ciamà Hanzi (汉字/漢字), ch'a veul dì "caràter Han". An giaponèis a son ciamà "Kanji". A-i son desen-e ëd mila caràter cinèis, dont tanti a son mach pòch diferent l'un da l'àutr e mach present an antich test. Jë studi an Cin-a a mosto che normalment as dòvro giornalment da tre a quatr mila caràter. A-i son anco' tanti caràter cinèis ch'a son dovrà an giaponèis e an corean. Generalment ël livel d'istrussion d'un giaponèis a l'é valutà da vàire caràter cinèis a riess a lese. Ij caràter cinèis a son logogram: a rapresento dzortut paròle nopà che son. Tanti vèj caràter cinèis a l'ero pitogram, visadì disegn dovrà për rapresenté dle paròle, ma pòchi caràter modern a son pitogram. Tanti caràter cinèis modern a son na combinassion ëd doi o ëd pi caràter pi sempi. |
