Sistema di vutazzioni

Nu sistema di vutazzioni è nu prucessu pi facilitari nu pòpulu a esprimiri li soi ntinzioni pi quantu riguarda nu candidatu prifirutu pi qualegghiè pi menzu di vutari. L'attu di vutari è cchiù cumuni 'n elezzioni dimucràtichi, unni facirmenti si tratta di candidati pi l'ufficiu pùbbricu, e li prifirenzi c'ammustra lu pòpulu ditèrmina cu vinci postu. Sparti di chissu, nu sistema di vutazzioni si pò usari pi dari li premî (p'asempiu, lu premiu Nobel) o pi scègghiri la megghia linia d'azzioni o strategìa, p'asempiu, nta n'organizzazzioni.

Spicificamenti, nu sistema di vutazzioni è nu mètudu pricisu pi carculari lu risultatu di na vutazzioni. Pi èssiri cunziddiratu comu nu sistema di vutazzioni furmali, havi a èssiri discrittu pricisu pricisu ntôn modu pùbbricu; tutti hannu a sapiri di prima comu li voti vinnissiru accuntati.

La maggiuranza dî sistemi di vutazzioni hannu comu la sò basa l'idia ca la maggiuranza havi lu dirittu di dicidiri. Puru siddu si tratta di nu principiu assai sìmprici, nfatti s'attròvanu nu munzeddu di mètudi di vutari e d'accuntari li voti. Stu fattu asisti picchì nurmalmenti n'elezzioni nun si succedi cu sulu du scelti, dunca cchiù li scelti pussìbbili cchiù cumpricati hannu a èssiri li mètudi di vutazzioni. Sparti di chissu, avemu a cunziddirari àutri attribbuti di n'elezzioni, comu quantu difinnuta na pupulazzioni è, la grannizza dûn paisi, li ntiressi dû pòpulu dî citati contra chiddi di campagna, eccetra.

Liami di fora

• Election methods list Discussioni di sistemi di vutazzioni.
• Voting, Arbitration, and Fair Division (PDF) by Marcus Pivato.
• Voting methods: tutorial and essays by James Green-Armytage
• Voting Systems (PDF) by Paul E. Johnson. L'argumentu di diversi mètudi e li soi attribbuti matimàtici.