Marcha atletica

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficcos necesarios y sacando dimpués ista plantilla.

Final d'os 10 km marcha en os Chuegos Olimpiccos de 1912.

A marcha atletica ye una disciplina de l'atletismo en a cual s'intenta caminar lo mas rapedo posible (marchar) sin plegar a correr. O limite entre a marcha y a corrida ye o momento en que l'atleta pierde contacto con o suelo de traza visible con os dos pietz a la vegata. Cuan succede isto se da por feito que o marchador ye correndo (en argot de marchadores: ye volando). No debe confundir-se con a corrida a piet, en a que os atletas pueden desapegar toz dos piez d'o suelo a o mesmo tiempo, y con a caminata de carrera an no se puede trotar ni marchar.

Ye incluyita en o programa de prebas oficials d'os campionatos d'atletismo a l'aire libre y en os Chuegos Olimpiccos, tamién tién as suyos propias competicions. As prebas oficials incluyitas en toz os programas d'as grans competicions d'atletismo son: os 20 km marcha masculins y femenis y os 50 km marcha en a categoría masculina nomás.

Esta modalidat tién o suyo orichen en a tradicción britanica de competicions fendo largas distancias a on bi ha documentata una competición en o sieglo XVIII. En o sieglo seguent a suya popularidat ye creixent y son frecuents os desafios y competicions. A meyatos d'iste sieglo a marcha se populariza en o resto d'Europa, mas que mas en Francia, Italia, Alemania y Suecia a on bi ha bels competicions. En a zaguerias d'o sieglo a marcha aconsigue un exito de publicco y competidors en Estaus Unius y a suya inclusión en o programa d'os Chuegos Olimpiccos por primera vegata en a edición de 1908 y os Chuegos posteriors la fació encara mas conoixita y s'extendilló por atras rechions d'o mundo.

Anque fue una d'as primeras especialidaz de l'atletismo moderno que se prencipioron a practicar, sigue estando una gran desconoixita entre as diferents disciplinas de l'atletismo. Manimenos iste desconoiximiento ye muit popular en cualques países a on existe una gran tradición, como pueden estar Espanya, Italia, China, Chapón, Mexicco, Guatemala, Rusia y cualques países de l'antiga Unión Sovietica a mas a mas de paises como Polonia, Ecuador u Colombia que tamién han dau grans figuras a ista disciplina atletica, o que ha contribuiu mas encara a o suya conoixencia y expansión.

Prencipals figuras

Bi ha muitos marchadors que han estau dominants en as suyas prebas mientres un periodo de tiempo entre os que cal destacar por o suyo palmarés a Volodymyr Holubnychy dominador en os 20 km marcha en os anyos 1960, José Marín y Maurizio Damilano en zaguerias d'os anyos 1980 y prencipio d'os anyos 1990, en os anyos 2000 y posteriorment Jefferson Pérez, Robert Korzeniowski y Paquillo Fernández. En os anyos 2010 Miguel Angel López y os atletas de China con belún atleta sudamericán con actuacions destacatas como Erick Barrondo y l'australián Jared Tallent. En l'actualidat cal destacar a l'espanyol Alvaro Martín y os suecos Magnus Larssen y Perseus Karlström.

En a categoría femenina en 20 km dominaron as altetas chinesas con Liu Hong (entrenada por Sandro Damilano), y atras atletas Chinesas, y en 50 km Liang Rui como maximos exponentes. En l'actualidat l'atleta espanyola María Pérez ye a gran dominadora d'os campionatos internacionals.

En Aragón cal destacar as marchadoras hue retiradas Teresa Palacio, Celia Marcén, Maite Gargallo y María José Poves. En l'actualidat l'atleta oscense Eva Ricco tién cualques podiums en os Campeonatos d'Espanya de atletismo de categorias inferiors y ye internacional con a selección espanyola tamién en categorias inferiors.

A marcha atletica en o cine

Doctor Detroit. Dan Aykroyd interpreta a un profesor que entre atras cosas practica a marcha atletica y surte fen-do por a ciudat de Nueva York.
Walk Don't Run. Cinta de l'anyo 1966 y dirichita por Charles Walters con Cary Grant, Samantha Eggar y Jim Hutton como actors prencipals.