Tarascon

Evit implijoù all, gwelet Tarascon (disheñvelout).

Tarascon
Kastell Tarascon, war lez ar Ron.

Bro	Okitania
Melestradurezh
Stad	Frañs
Rannvro	Provence-Alpes-Côte d'Azur
Departamant	Bouches-du-Rhône
Arondisamant	Arle
Kanton	Tarascon (pennlec'h)
Kod kumun	13108
Kod post	13150
Maer Amzer gefridi	Charles Fabre 2008-2014
Etrekumuniezh	Communauté d'agglomération Arles-Crau-Camargue-Montagnette
Lec'hienn web	tarascon.org
Poblañsouriezh
Poblañs	15 508 ann. (2020)^[1]
Stankter	210 ann./km²
Douaroniezh
Daveennoù lec'hiañ	43°48′21″N 4°39′37″E
Uhelderioù	bihanañ 3 m — brasañ 200 m
Gorread	73,97 km²
kemmañ

Tarascon (en okitaneg hag e galleg) zo ur gêr eus Provañs hag ur gumun eus departamant Bouches-du-Rhône.

Emañ hanter-hent etre Avinhon hag Arle, war lez kleiz ar stêr Ron. En tu all d’ar stêr emañ Bèucaire, ur gêr all, e departamant ar Gard.

Al levr Tartarin de Tarascon, skrivet gant Alphonse Daudet, a gont troioù-kaer un den aleno.

Savadurioù

Iliz Santez Marta. Enni, hervez a gonter, e vije bez ar santez. Savet e voe an iliz, en doare romanek da gentañ ha gotek da c’houde, etre an XII^vet hag ar XIV^vet kantved. Eus an III kantved eo ar c’hev-iliz.
Kastell ar roue René. Staget e voe da sevel ar c’hastell zo bremañ e 1404, gant Loeiz II, dug Anjev, kont Provañs ha roue Naplez. Kendalc’het e voe gant e vibien, Loeiz III ha Reun Iañ. Gant hennezh e voe echuet e 1449. Setu perak e vez anvet « kastell ar roue Reun ». Aloubet e voe Provañs gant Loeiz XI, roue Bro-C’hall, ha staget e voe ouzh Bro-C’hall.