Casiopea
Para outras páxinas con títulos homónimos véxase: Casiopea (homónimos).
Na mitoloxía grega, Casiopea (en grego antigo Κασσιέπεια o Κασσιόπεια) era a esposa do rei Cefeo de Etiopía e nai con el de Andrómeda, cuxa beleza ela enxalzaba por encima da das Nereidas. Este orgullo foi a causa de todas as súas desgrazas, pois Poseidón enviou un monstro ao país que devastou as súas terras, e ao que Andrómeda ía ser sacrificada cando foi salvada por Perseo[1]. De acordo con outras fontes Casiopea alardeaba de superar ás Nereidas en beleza, e por esta razón representábaselle, cando era situada entre as estrelas, como volta de costas[2].
