Lyskanasedh
Lyskanasedh a henwir an devnydh dothter owth assaya gwaynya les stratejek, po kavos digolm meur gemeradow dhe jalenj kemmyn. Y hyllir gul hemma dre worra lavarow yn geryow anworthenebus, po kortes. Rann bosek a lyskanasedh yw gul unverheansow, kepar ha kevambosow, yntra kenedhlow. Lyskanasedh yw an keskows yntra kanasow, kepar ha hembrenkysi an statys. Yth yw an keskowsow ma, treweythyow, yn-kever kenwerth ha negys, ha treweythyow yn-kever kres ha bresel. Y hwer lyskanasedh yn fenowgh yntra diw genedhel owth omladh.
Lyskanasow yw tus danvenys gans aga henedhel aga honan, dhe omvetya ha kewsel gans lyskanasow ha hembrenkysi kenedhlow erel. Eghen bosek a lyskannas yw kannas. Kannas a wra bewa yn kenedhel aral hag oberi yn kanatti mayth hallo bos kavadow rag kuntellesow gans governans an genedhel na.