Taivaz
Taivaz om avaruz Man vai miččen-ni toižen astronomižen objektan pindan päl. Avaros znamoičendas — ühthine nägu, kudamb lagištase neciš objektaspäi kosmoshasai.
Antikaigan amuižed rahvahad lugiba taivast i mad jumaloiden i ümbrištoiden ezitatoikš. Sättujad taivhale i male jumalad oliba Uran i Geja amuižil grekalaižil, Nut i Geb amuižil egiptalaižil.
Man taivaz
[vajehta | vajehtada lähtetekst]Man taivhan nägu rippub päivesen aigaspäi, voz'aigaspäi, säspäi i kaclijan korktusespäi valdmeren pindan päl. Taivhal pil'ved i Man Kudmaine-kaimdai nägudas paksus.
Päivän pil'vetoi taivaz om taivazman mujun. Päiväižen nouzman i laskman aigan taivhal oleskeleb pakuižen, ruskedpakuižen i rusttan ližamujuid, voib nähta vihandad-ki sädeged harvas.
Öližel aigal taivhan muju vajehtase muzasinižeks. Voib nähta sel'ktas Kudmašt, tähthid i toižid astronomižid objektoid. Lunad oleskeldas 90..400 km korktusel. Tähthakaz taivaz om kaikiden paštoimiden ühtmuz, miččid voib nähta öl vai hämäras taivhanröunan päl.
Taivhaze sidodud vepsän tärtused
[vajehta | vajehtada lähtetekst]- Poud — pil'vesetoi taivaz.
- Taivazma — sinivauvhan mujun.
- Taivhaline — Ülähäine.
- Taivhansaub, taivhan kareguz — taivhad.
Taivhaze sidodud vepsän muštatišed da ozoitesed
[vajehta | vajehtada lähtetekst]Muštatišed
[vajehta | vajehtada lähtetekst]
- Eile rad taivhas, a om mas.
- Kacud taivhaze, ka kand regen kukerdab. (ole tark)
- Kittäs, ka kuti taivhale letas. (kittäs liigan)
- Kur'g taivhas, a muna perskes. (pästtud voimusen polhe)
- Rad ei ole taivhal, a om mas.
- Samba libub hagole, meletab, miše jo taivhas om.
- Su avaida, ka taivhaspäi ei lankte.
- Taivaz om korktal, ei kule rahvast.
- Taivaz sanub: sapkad, mö sanum: eile.
- Ühten taivhan al olem. (olem kohtaižed)
Ozoitesed
[vajehta | vajehtada lähtetekst]
- Taivastme ajeleb äi rahvast, ei ni kerdad nägude (angelad).
- Vellen hebošt ei voi tabata, sizaren laudruzuid ei voi kerata (ahav da taivaz).
Homaičendad
[vajehta | vajehtada lähtetekst]
 |
Taivaz Vikiaitas |