День козмонавтикы
Меджинародный день козмонавтикы, англ. International Day of Human Space Flight — меджинародный ославный день 12. апрѣля, котрый быв выголошеный Генералнов громадов ОЗН резолюциев число A/RES/65/271 з дня 7. апрѣля 2011 на честь зачатку козмичной еры людства.[1]
Первый козмичный лет чоловѣка
[едітовати | едітовати жрідло]Первым чоловѣком, вылетѣвшым до всесвѣту став ся совѣтскый козмонавт Юрий Гагарин, котрый 12. апрѣля 1961 облетѣв Землю за едну годину и 48 минут на палубѣ козмичного корабля Восток 1. Тым куртым летом была отворена козмична ера в истории людства.
Ославы в СССР
[едітовати | едітовати жрідло]Од року 1962 12. апрѣль быв выголошеный в СССР за День козмонавтикы. Од року 1970 12. апрѣль тыж ославують як Свѣтовый день авиации и козмонавтикы подля протоколу 61-й Генералной конференции Меджинародной авиацийной федерации, держаной в новембрѣ 1968, и рѣшѣню Рады Меджинародной авиацийной федерации з дня 30. апрѣля 1969.[2].
Жерела и одказы
[едітовати | едітовати жрідло]- International Day of Human Space Flight 12 April. United Nations. https://www.un.org/en/observances/human-spaceflight-day. [перевірено 2020-04-13]. англ.
- День авиации и космонавтики. Словари и энциклопедии на Академике. http://dic.academic.ru/dic.nsf/enc_tech/2118/%D0%94%D0%B5%D0%BD%D1%8C. [перевірено 2020-04-13]. русс.
