Guri

Guri, Gyri og Gyrid er kvinnenamn danna som dialektformer av Gudfrid. Dette namnet er sett saman av guð eller goð, 'gud', og fríðr, 'vakker'. Begge namna har namnedag den 6. mai.

Ei dansande Guri Schanke.

Forfattaren Guri B. Hagen.

Bruk

Guri var mykje brukt som namn på jentebarn fødd i Noreg på 1700-talet og byrjinga av 1800-talet. Bruken gjekk stort sett nedover på heile 1900-talet, bortsett frå ein periode då det var noko meir brukt på 1940- og 1950-talet.

I 2009 var det 2 453 kvinner som heitte Guri i Noreg. 125 heitte Gyrid og 123 heitte Gyri.

Namneberarar

• Gurid Almenningen (1892-1990), norsk politikar (Ap)
• Guri Stormoen (1901-1974), norsk skodespelar
• Guri Vesaas (f. 1939), norsk forlagsredaktør
• Guri B. Hagen (f. 1947), norsk barnebokforfattar
• Guri Egge (f. 1948), norsk operasongar
• Gyri Sørensen (f. 1951), norsk alpinist
• Guri Ingebrigtsen (f. 1952), norsk politikar (Ap)
• Guri Hjeltnes (f. 1953), norsk professor og historikar
• Guri Schanke (f. 1961), norsk artist
• Guri Johnson (f. 1961), norsk skodespelar
• Gyrid Listuen (f. 1961), norsk radiojournalist
• Guri Hetland (f. 1974), norsk langrennsløpar
• Gyrid Axe Øvsteng (f. 1974), norsk dramatikar
• Guri Solberg (f. 1976), norsk programleiar

Annan bruk

• «guri» og «guri malla» er utrop danna som omskrivingar av «Gud og Maria».
• Guridalsnosi er eit fjell i Luster kommune i Indre Sogn.
• Gyrinosvatnet er ein innsjø i Buskerud.

Sjå og

• Guro

Kjelder

• Denne artikkelen bygger på «Guri» frå Wikipedia på bokmål, den 5. mai 2009.
• nordicnames.de

• Søk etter norsk namnestatistikk for Guri hjå Statistisk Sentralbyrå