A cidade de Barreiro é a cabeza dun pequeno concello de 33,81 km² e 78 764 habitantes repartidos en 8 freguesías. O concello limita ao leste co concello de Moita, ao sueste co de Palmela, ao sur con Seisimbra, ao oeste con Seixal, e ao norte co río Texo, estando da outra marxe do río a cidade de Lisboa. Está situada a uns 40 km de Lisboa (unida a esta pola Ponte 25 de Abril ou a Ponte Vasco da Gama) e a cerca de 35 km de Setúbal, capital do distrito e cuxo acceso máis destacado é pola A2.
