Fascismo
Fascismo niko pe oisãmbyhýva hetãre ha'eño, mbaretépe ha hatãme, oñorairõ umi hese oñemoĩsévare ha tetãyguakuéra ndaikatúi oiporavo imburuvicharã.[1][2] Umíva naiporãiva pe oisãmbyhývape oñemoĩta ka'irãime térã ojukáta chupekuéra. Upéicha umi tetãme oporojokuáiva fascismo rekópe ndaipóri jekopytyjoja, sa'ive yvypóra tekoiterape ha umi omomarandúva ndaikatúi he'i mba'épa oiko hetã añetehápe.
Oĩ akue mbohapy tetã poguasu fascismo poguýpe: Itália oikórõguare Benito Mussolini poguýpe, Alemáña nási imburuvicha Adolf Hitler, ha Epáña oikórõguare Francisco Franco poguýpe.[2] Umi oisãmbyhýva ko'ã tetãre ojehero fascista.
Mandu'apy
[jehaijey | emoambue kuatia reñoiha]- ↑ Ben-Ghiat, Ruth. «An American Authoritarian», August 10, 2016. Ojehechákuri árape: October 10, 2020.
- ↑ 2,0 2,1 Waxman, Olivia B.. «What to Know About the Origins of Fascism’s Brutal Ideology», Time, March 22, 2019. Ojehechákuri árape: October 8, 2020.
