Ստրասբուրգի ժամանակակից արվեստի թանգարան
Ստրասբուրգի ժամանակակից արվեստի թանգարան | |
|---|---|
| Տեսակ | պատկերասրահ |
| Երկիր |  Ֆրանսիա[1] |
| Տեղագրություն | Ստրասբուրգ[1] |
| Կազմված է | MAMCS collection? |
| Մասն է | musées de la ville de Strasbourg? |
| Հիմնադրվել է | 1973 |
| Այցելուներ | 159 411 մարդ (2019)[2] |
| Հավաքածուի չափս | 18 274 առարկա |
| Կայք | musees.strasbourg.eu/musee-d-art-moderne-et-contemporain(ֆր.) |
 | |
 | |
Ստրասբուրգի ժամանակակից արվեստի թանգարան (ֆր.՝ Musée d'Art moderne et contemporain de Strasbourg, կրճատ՝ MAMCS), ժամանակակից արվեստին նվիրված թանգարան Ֆրանսիայում՝ Ստրասբուրգում։
Հիմնադրվել է 1973 թվականին, հանդիսավոր բացվել է իր սեփական շենքում 1998 թվականին[3]։
Պատմություն
[խմբագրել | խմբագրել կոդը]Թանգարանը կառուցվել է նախկին քաղաքային սպանդանոցի տեղում՝ Իլ գետի ձախ ափին։ Ճարտարապետը Անդրիեն Ֆայնսիլբերն է։ Թանգարանի շինությունը հանդիսավոր բացվել է 1998 թվականի դեկտեմբերին Եկատերինա Թրաութմանի՝ Լիոնել Ժոսպենի ղեկավարման օրոք Ֆրանսիայի մշակույթի նախարարի և Ստրասբուրգի նախկին քաղաքապետի (Ֆրանսիայի առաջին կին քաղաքապետը) կողմից։ 2008 թվականի մարտից թանգարանի կուրատորն է Էսթել Պետրժիկը, որն աշխատել է Պիկասոյի թանգարանում, Ռոդենի թանգարանում և Ռոդեզի Սուլաժի թանգարանի հիմնադիրներից է։
Ամեն տարի թանգարանն անցկացնում է ժամանակակից նկարիչների ժամանակակից արվեստին նվիրված տաս սեփական ցուցահանդես։ Ստրասբուրգի թանգարանային գրադարանը, որը հիմնադրվել է 1877 թվականին, ունի 140 000 հատոր և ֆրանսիական ժառանգության եզակի հիմնադրամ է։ Թանգարանին հարակից բակերից մեկը, որը կոչվում է Place Jean-Arp, նրա ստեղծումից հետո նույնպես դարձել է Ստրասբուրգի կարևոր մշակութային կենտրոն․ այստեղ ցանկացողները կարող են սահել սքեյթբորդով կամ անվաչմուշկով։ Թանգարանն ունի գրախանութ, տարաբնույթ միջոցառումների (կոնֆերանսներ, համերգ, ֆիլմի ցուցադրություն) անցկացման բազմաթիրախային դահլիճ, թանգարանի տանիքի ընդարձակ հարթակում գտնվում է սեփական սրճարանը։ Հենց այստեղ՝ տանիքին, տեղադրված է իտալացի նկարիչ և քանդակագործ Դոմենիկո Պալադինոյի՝ չորս մետրանոց ձիու քանդակը[4]՝Hortus conclusus։
Հավաքածու
[խմբագրել | խմբագրել կոդը]Ստրասբուրգի ժամանակակից արվեստի թանգարանը իր հավաքածուն համալրում է հաստատությունների և անհատների նվիրատվություններով։ Այն միակ խոշոր թանգարանն է Ֆրանսիայում, որն ունի 1870 թվականից մինչև օրս ընկած ժամանակահատվածն ընդգրկող ցուցանմուշներ։
2018 թվականի մայիսի 9-ի դրությամբ թանգարանի հավաքածուները հաշվառում էի ավելի քան 17 հազար ստեղծագործություն, որոնց թվում կան 1785 գծանկար, 4820 նկար, 828 քանդակ, 4150 փորագրանկար և 3580 լուսանկար։ Ավելի հայտնի նկարիչներից, որոնց աշխատանքները ներկայացված են թանգարանում պետք է հիշատակել Գյուստավ Դորեին (այդ թվում նրա հայտնի «Հիսուսը լքում է պրետորիան»[5]), Ժան Արպին, Վիկտոր Բրաուներին, Սոֆի Թոյբեր-Արփին, Վասիլի Կանդինսկի, Թեո վան Դուսբուրգին, Մաքս Կլինգերին, Կետե Կոլվիցին, Մաքս Էռնստին, Ֆրանտիշեկ Կուպկային, էականորեն ներկայացված է նաև նվազ հայտնի նկարիչների ստեղծագործությունները՝ Լու Ալբերտ Լազարի, Մարսել Կանի, Ժան-Դեզիրե Ռինգելի և այլոց։
Կարևոր և հետաքրքիր է էլզասցի նկարիչների հավաքածուն, որը ներկայացնում է այնպիսի ժանրեր, ինչպիսիք են մեդեռնը, էքսպրեսիոնիզմը և նոր ռեալիզմը (Ժան-Դոզիրե Ռանգել, Շառլ Շպինդլեր, Ռեն Բի, Անրի Բիկ, Կամիլ Կլաուս)։
- Թանգարանային ցուցանմուշներ
-
-
-
Թեո վան Դուսբուրգ -
-
-
-
-
Ծանոթագրություններ
[խմբագրել | խմբագրել կոդը]- ↑ 1,0 1,1 archINFORM (գերմ.) — 1994.
- ↑ Ministry of Culture of France Fréquentation des Musées de France — Ministry of Culture of France.
- ↑ «Страсбург. Музей современного искусства». Արխիվացված է օրիգինալից 2019-08-15-ին. Վերցված է 2020-03-05-ին.
- ↑ Hortus conclusus
- ↑ Гюстав Доре "Христос, покидающий преторий"
Արտաքին հղումներ
[խմբագրել | խմբագրել կոդը]- Официальный сайт
- Musée d'Art Moderne et Contemporain - MAMCS - Strasbourg
- Страсбург, Музей современного искусства
 | Վիքիպահեստն ունի նյութեր, որոնք վերաբերում են «Ստրասբուրգի ժամանակակից արվեստի թանգարան» հոդվածին։ |
| ||||||||||||||||
