Axioma

Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.

---

'n Axioma of postulaat is in de wiskónde 'n stèlling die neet kan waere beweze, meh waal es gróndjslaag wuèrtj aanvaardj. E wiskóndig systeem geit oet van 'n aantaal axioma's en diffenisies en 'n aantaal logische aafleijingsregele. Alle stèlling die me bewies mótte dees logische regele oet de axioma's en diffenisies völge.

E veurbild van 'n axiomasysteem zint de axioma's van Giuseppe Peano, die de netuurlike getale diffeniëre:

• 0 is e netuurlik getaal;
• eder netuurlik getaal haet 'nen opvölger;
• 0 is neet d'n opvölger van ènnig netuurlik getaal;
• versjillendje nómmers höbbe versjillendje opvölgers;
• es 0 'n bestumdje eigesjap haet en kan waere beweze det es e getaal 'n eigesjap haet zienen opvölger die ouch haet, den höbbe alle netuurlike getale die eigesjap.