Moneda

Moneda ye l meio atrabeç de l qual son efectuadas las trasaçones monetárias. Ye to atibo que custitua forma eimediata de solber débitos, cun aceitabelidade giral i çponibelidade eimediata, i que cunfire al sou titular un dreito de saque subre l perduto social.

Ye amportante perceber qu'eisisten defrentes defeniçones de “moneda”:(i) l denheiro, que custitui las notas (giralmente an papel);(ii) la moneda (la peça metálica);(iii) la moneda bancaira ó scritural, admitidas an circulaçon; i,(iv) la moneda ne l sentido mais amplo, que senefica l denheiro an circulaçon, la moneda nacional. An giral, la moneda ye eimitida i cuntrolada pul gobierno de l paíç, que ye l único que puode fixar i cuntrolar sou balor. L denheiro stá associado a trasaçones de baixo balor; la moneda (ne l sentido eiqui tratado), por sue beç, ten ua defeniçon mais abrangente, yá qu'angloba, mesmo ne l sou agregado mais lhíquido, nun solo l denheiro, mas tamien l balor depositado an cuntas corrientes.