Ezope

pondou pa Velasquez

Ezope u Aizope (e vî grek: Αἴσωπος / Aísôpos), c' est on scrijheu grek k' a viké e 7inme u e 6inme sieke divant Dj-C.

Il est l' prumî a-z aveur sicrît bråmint des fåves, ricopieyes après côp pa les scrijheus des tins modienes, inte di zels, Jean de Lafontaine, pu ratournêyes e walon pa toplin des oteurs.

Mins il eto scrît des ouves filozofikes, come les Apolokes.

Sacwants fåves da Ezope

• Li bijhe et l' solea»: on s' end a rsiervou po-z etcherpeter li «Djåzant atlasse éndjolike des lingaedjes di France et d' avår la».
• li rinne ki vleut esse ossu grosse kel boû (ratournêye aprume e walon pa François Bailleux, a pårti del modêye Lafontinne.
• li leu et l' tchén (ratourné eto pa Léon Bernus).

Boket des Apolokes

Dins les Apolokes, Ezope vout ki tchaeke djin vegne å monde avou ene dobe bezaece pindowe a s’ cô. El saetchot k’ est padvant s’ apezantixh des fåtes des ôtes k’ arivèt padvant nos ouys, et des rascråwes ki nos nd avans cnoxhance.

Tant k’ å satchot di drî, il est tcherdjî des petchîs ki l’ poirteu a fwait et des måleurs ki lyi ont tchai sol cabus. I sont padrî, pocwè, ô ? Pask’ i l’ poirteu ni les pout ni vey ni ôre. Gn a ki l’ Cir, s’ I vout bén lzès pardoner.