宗教

宗教（拉丁文：Religio），是一套经过规范之后个对神明个信仰搭崇敬。宗教个形式多种多样，信奉个观念也各有千秋。乃朝，世界高头顶顶大个三大宗教是基督教、佛教搭伊斯兰教。弗过假使按照人口来讲，则是印度教替代佛教，跻身三大宗教。宗教对人类个历史发展有决定性影响，乃朝世界各地个文明，基本浪侪受到自家宗教传统个塑造。立在一些国家，经过世俗化个过程，乃朝宗教对社会搭政治个干预已经下降。弗过，立在中东等回教国家，宗教还是起到决定性作用。此外，一些老早宗教信仰弗强个场化，也出现宗教快速传播个现象。