Loteranisma kônfesiônaly
Ny loteranisma kônfesiônaly dia anarana ampiasain' ny Loterana hanondroana ireo izay manaiky ny foto-pampianarana ambara ao amin' ny Bokin' ny Kônkôrdia manontolo izay vita tamin' ny taona 1580 (ny tahirin-kevitra folo momba ny foto-pinoana loterana). Ny Loterana kônfesiônaly dia mitazona ny fiheverana fa ny fahatokiana ny Bokin' ny Konkôrdia, izay famintinana ny fampianarana hita ao amin' ny Soratra Masina, dia mitaky fiheverana ny fomba itoriana sy ampianarana ary fampiharana izany finoana izany. Mino ny Loterana kônfesiônaly fa ampahany lehibe amin' ny maha Loterana azy ireo izany.
Ny teny hoe "Loterana kônfesiônaly" dia matetika ampiasaina ao amin' ny fiangonana mpandala ny nentin-drazana kokoa ao amin' ny fkikambanana toy ny International Lotheran Council (ILC), ny Confessional Evangelical Lutheran Conference (CELC), ary ny Global Confessional and Missional Lotheran Forum. Ny fiangonana ao amin' ny Lutheran World Federation (Fiangonana Loterana Eran-Tany na FLET) dia mandray ny Bokin' ny Kônkôrdia ho famelafrana ny finoana noho izy ireo mihevira fa mifanaraka amin' ny fandikan' izy ireo ny Baiboly ny vontoatiny.