Wuricy
| |||||
| město: | Budyšin | ||||
| zagmejnowanje: | 1950 (do Jenkec) | ||||
| wobydlerstwo: | 417 (31. decembra 2023)[1] | ||||
| wysokosć: | 178–190 metrow n.m.hł. | ||||
51.16972222222214.465178–190
| |||||
| póstowe čisło: | 02625 | ||||
| předwólba: | 03591 | ||||
| wotwodźene słowa: |
| ||||
 Połoženje Wuric w Budyšinje | |||||
wikidata: Wuricy (Q5423)
| |||||
Wuricy (němsce Auritz) su wjes w Hornjej Łužicy a wot lěta 1999[2] měšćanski dźěl Budyšina. Maja 417 wobydlerjow.[3]
Geografija
[wobdźěłać | žórłowy tekst wobdźěłać]Wuricy leža na juhowuchodnej kromje wulkeho wokrjesneho města, něhdźe tři kilometry wuchodnje wot stareho města a južnje wot zwjazkoweje dróhi 6 we wysokosći 187 metrow nad mórskej hładźinu.
Ležownostne mjena
[wobdźěłać | žórłowy tekst wobdźěłać]Michał Rostok naliči 1887 slědowace serbske ležownostne mjena: W Znamšinach, We wjerbinkach, Na pastwišćach, Dźěłošća, W Šindrobach, Stara łuka, W Kamjeńcach, Pola łuže, Pola skałow, Na dalokim, Na Poprjancu, Pola krušwinow, Na ladach, Miklec łuka, Na horach, Pola Jeńkec, Pola Rynčec hajka, We hłubokich pućach, Při kruwjacych pućach.[4]
Stawizny
[wobdźěłać | žórłowy tekst wobdźěłać]
Prěnje historiske naspomnjenje Wuric je z lěta 1400 (Uwirwicz, Uwirricz, Vwericz, Uwricz, Uricz [2]). Ležownostne knjejstwo měješe Budyska měšćanska rada.
Cyrkwinsce su Wuričenjo do Budyšina zafarowani a přisłušeja wot 17. lětstotka ewangelskej Michałskej wosadźe.
Hač do lěta 1950 běchu Wuricy samostatna gmejna, potom buchu do Jenkec zagmejnowane a přińdźechu jako dźěl Jenkečanskeje gmejny 1994 do Kubšic. 1999 bu wjes do Budyšina přerjadowana. Přisłušne stawnistwo běše wot 1876 Židow a pozdźišo Budyšin.
Hlej tež: Kulturne pomniki we Wuricach
Wobydlerstwo a rěč
[wobdźěłać | žórłowy tekst wobdźěłać]Po Mukowej statistice z lětow 1884/85 rěčachu tehdy 69 wot cyłkownje 77 Wuričanow serbsce.[5] Na polu južnje wsy steji Wuričanski stołp z pózdnjeho 18. lětstotka z dwurěčnym serbsko-němskim napismom.
Wosobiny
[wobdźěłać | žórłowy tekst wobdźěłać]- Jan Bohuwěr Pjech (1838–1913) – knihikupc, přełožowar, publicist, słowjanski prócowar a spěchowar němsko-słowjanskeje wzajomnosće
- Filip Rězak (1859–1921) – duchowny, słownikar a spisowaćel
- Arnošt Herman (1871–1940) – prawiznik, domiznowědnik a předsyda Maćicy Serbskeje
Žórła
[wobdźěłać | žórłowy tekst wobdźěłać]- ↑ staw: 31. decembra 2023; Statistiska rozprawa města Budyšina za IV. kwartal 2023, awgust 2024
- ↑ 2,0 2,1 Wuricy w Digitalnym stawizniskim zapisu městnow Sakskeje (němsce)
- ↑ staw: 31. decembra 2023
- ↑ Michał Rostok: Ležownostne mjena. W: ČMS 40 (1887), str. 3–50, tu str. 16 (digitalizat).
- ↑ Ernst Tschernik: Die Entwicklung der sorbischen Bevölkerung. Akademie-Verlag, Berlin 1954. → wšě wjeski
Wotkaz
[wobdźěłać | žórłowy tekst wobdźěłać]
Commons: Wuricy – Zběrka wobrazow, widejow a awdiodatajow
Błohašecy | Bobolcy | Bolborcy | Bórk | Bozankecy | Ćichońca | Ćemjercy | Debrikecy | Delni Wunjow | Delnja Kina | Horni Wunjow | Hornja Kina | Južne předměsto | Lešawa | Lubochow | Mały Wjelkow | Nadźanecy | Nowe Małsecy | Nutřkowne město | Sćijecy | Sewjerowuchodny wobkruh | Słona Boršć | Smochćicy | Strowotna studnja | Wownjow | Wuchodne předměsto | Wulki Wjelkow | Wuricy | Zajdow | Zapadne předměsto (ze Židowom)