Anwar al-Sadat
|
Quest articol chì l'è scrivud in lombard, con la Noeuva Ortografia Lombarda |
L'Anwar al-Sadat (Mit Abu al-Kum, 25 de dicember 1918 - El Cair, 6 de otober 1981) a l'è stad un politegh egizzian, terz president del Pajes del 1970, quand che l'è mort el Gamal Abd el-Nasser, al 1981, quand che l'è stad mazzad de 'n terrorista islamegh e l'è stad sucedud de l'Hosni Mubarak.
Autor de 'n regim un poo autoritari, l'ha subet mudad la politega economega del so predecessor e l'ha scernud un cert liberismo, oltra a 'n bon svesinàss cont i Stat Unid. L'ha fad la pas con Israell in di acord de Camp David, roba che gh'ha permitud de otegnì indree el Sinai dopo de la fallida guerra del Kippur. Per quella reson chi, insema al Menachem Begin, l'ha otegnud el Nobel per la Pas e propi per la soa pas con Israell l'è stad mazzad poch dopo de 'n islamista, in d'una parada fada el dì prima de l'anniversari de la guerra del Kippur.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikiquote el gh'ha dent citazzion de o su Anwar al-Sadat
Wikimedia Commons el gh'ha dent imagin o alter archivi su Anwar al-Sadat