Régis Ovion
Régis Ovion (* 3. März 1949 in Vigneux-sur-Seine) is en ehmalger franzöösch Radrennfohrer un Amateur-Weltmeester.
1970 wunn Régis Ovion de Tour de la Guadeloupe un 1970 as ok 1971 de Route de France, 1971 ebenfalls de Tour de l’Avenir. 1971 wurr he in Mendrisio Weltmeester vun de Amateure in dat Straatenrennen vör Freddy Maertens. Tovör harr he sien eersten natschonalen Titel wunnen, as he bi de franzöösch Meesterschapen in de Mannschapsverfolgung mit sien Team siegen dee. 1972 is Ovion bi de Olympisch Spelen in München in dat Straatenrennen antreeden un keem dor up den 15. Platz. In dat sülvig Johr wunn he de Circuit Cycliste Sarthe.
Ansluutend wurr Ovion Profi. 1975 wurr he franzöösch Straatenmeester un 1978 wunn he Paris–Bourges (vör Joop Zoetemelk). Achtmal is he bi de Tour de France antreeden; sien best Platzeeren weer de teihnte Platz 1973. 1982 hett he sien Loopbahn afslooten.
1971 wurr Régis Ovion in Frankriek to’n Champion des champions („Sportler vun dat Johr“) wählt.