Xylitol
Xylitol nyaéta karbohidrat alami, anu katempo jeung rasana sarua pisan jeung gula méja biasa. Dipibanda ku jalan diekstraksi tina tatangkalan. Dina ukuran komérsial mah bahan pikeun nyieun xylitol diekstrak tina sumber anu bisa di anyarkeun deui. Salah sahijina nyaéta tina tangkal jagong utamana bagéan nu nololna, aya ogé tina sababaraha tangkal kai. Xylitol murni nyaéta zat kristal bodas rasana sarua jeung gula. Dina métabolisme normal awak manusa déwasa ogé ngahasilkeun aya kana 15 gram xylitol sapoé sapeuting.[1] Xylitol mibanda Rumus kimia-na : CH2OH ( CHOH ) 3CH2OH [2]
Sajarah
[édit | édit sumber]Xylitol mimitina kapanggih ku kimiawan Jerman jeung Prancis dina panungtungan abad ka-19. Xylitol mimiti kapanggih dina taun 1890 ku jasana Emil Fischer jeung Rudolf Stahel PhD tina hasil ngaraut tangkal birch. Ieu pamanggihna disebut xylitol, anu diumumkeun ka jalma loba dina taun 1891.[3] Teu kungsi lila Fischer jeung Stahel panalungtik/ kimiawan urang Perancis ngahasilkeun xylitol asalna tina gandum.[4][5][6]
Urang Eropa anu ngamimitian ngamangpaatkeun xylitol dijadikeun bahan pangamis gaganti gula biasa, utamana pikeun anu ngarandapan panyakit diabetes ku lantaran xylitol henteu matak mangaruhan kana insulin. Xylitol dijieun ku jalan hidrogenasi xylosa, anu ngarobah gula (aldehid) jadi alkohol primér. Xylitol bisa ogé diékstrak tina sumber-sumber alam anu mindeng dipanen, bisa waé nyadap tangkal birch pikeun ngahasilkeun birch sap/lahang. Dina taun 1970-an Universitas Turku di Finlandia nalungtik mangpaat xylitol pikeun kaséhatan huntu jeung tulang.
-
Tangkal birch -
Sapotong kulit kai birch, ditempo titukang jeung hereup-na -
Tangkal birch dina usum ngarangrangan -
unggal poé ngahasilkeun dua leter geutah birch . -
ngumpulkeun geutah birch -
Birch sap(geutah birch) anu didagangkeun di Rusia -
Pastilles
Bahan Xylitol
[édit | édit sumber]Xylitol loba kapanggih di alam, sawaréh tina buah jeung sayuran anu didahar ogé éta mibanda xylitol sanajan jumlahna ngan saeutik. Tolol jagong mangrupa sumber anu hadé pikeun ngahasilkeun xylitol, salian bisa dipelak ogé jumlahna kawilang loba. Xylitol bisa waé diolah ku jalan ngamangpaatkeun mikroba, anu ngaliwatan férméntasi jeung biokatalitik ku baktéri, jamur, jeung sel ragi, anu hirupna gumantung kana fermentasi xylosa pikeun ngahasilkeun xylitol anu alus pikeun huntu kalawan nau dipikawanoh minangka “Turku sugar studies” (panalungtikan gula Turku).
Dupont Chemical nyaéta hiji-hijina pausahaan anu nyieun xylitol ku bahan dasar tina kai. Mesin pikeun ngolahna aya di sabaraha nagara di antarana Cina, Amérika Kalér jeung Eropa.[7]
Mangpaat Xylitol
[édit | édit sumber]Xylitol bisa dimangpaatkeun pikeun gaganti gula anu bébas kalori, panalungtikan anu dilakukeun ku University of Rodhe Island nétélakeun upamana ngagayem permén karét anu ngagunakeun bahan pangamis xylitol, bisa neken asupna kalori jeung sakaligus ngaronjatkeun pamakéan énergi atawa méakeun kalori. Bandinganna saséndok ntéh Xylitol aya 9,6 kalori, sedengkeun saséndok ntéh gula aya kana 15 kalorina
Xylitol henteu mangaruhan kadar gula anu aya dina awak manusa, ieu hartina xylitol moal matak nanaon didahar pikeun anu mibanda panyakit kencing manis atawa hiperglikemia. Xylitol henteu ngaruksak huntu, malahan panalugntikan anu dilakukeun ku urang Finlandia sabalikna, Xylitol bisa ngaronjatkeun kapadetan tulang ku alatan éta Xylitol ogé bisa dijadikeun panangkal datangna panyakit osteoporosis.
Xylitol ogé ngurangan karies dina huntu jeung ngaronjatkeun remineralisasi. Dumasar kana panalungtikan ngagunakeun mikroskop éléktron nétélakeun xylitol éféktif dina nginduksi remineralisasi lapisan email anu pangjerona.[8] [9]
Tutumbu Kaluar
[édit | édit sumber]Tempo Oge
[édit | édit sumber]Dicutat Tina
[édit | édit sumber]- ↑ Xylitol mangrupa Karbohidrat
- ↑ Xylitol nyaéta Archived 2015-10-29 di Wayback Machine
- ↑ E. Fischer, R. Stahel: Zur Kenntnis der Xylose. In: Berichte der deutschen chemischen Gesellschaft. Band 24, Nummer 1, 1891, S. 528–539; doi:10.1002/cber.189102401100.
- ↑ M. G. Bertrand: Recherches zur quelques dérivés du xylose. In: Bull Soc Chim Paris. Band 5, 1891, S. 554–557.
- ↑ K. K. Mäkinen: Der Einsatz von Xylit in der Kariesprophylaxe. (PDF-Datei; 1,8 MB) ISBN 3-935802-09-9, S. 9.
- ↑ K. K. Mäkinen: The rocky road of xylitol to its clinical application. In: Journal of Dental Research. Band 79, Nummer 6, Juni 2000, S. 1352–1355, ISSN 0022-0345. PMID 10890712.
- ↑ Xylitol Karbohidrat
- ↑ Xylitol znyseta Gula Alkohol
- ↑ Mangpaat Xylitol Archived 2016-03-04 di Wayback Machine