Sílex
Sílex ye ua peinha sedimentar selicatada, feita de quartzo critocristalino, mui dura i cun densidade eilebada. Apersenta-se normalmente cumpata, de quelor cinzenta, negra i outras. Cun fratura cuncoidal. Aparece na forma de nódulos ó massas an formaçones de giç ó calcário. Puode apersentar ampurezas bárias cumo barros, carbonato, silte, pirita i matéria ourgánica.
Génese
[eiditar | eiditar código-fuonte]Puode tener ourige ourgánica, fazendo parte de l grupo de l acaustobiólitos (peinhas de ourige biológica nó cumbustibles, formada de carapaças siliciosas de ourganismos marinos) ó einorgánica ó inda tener ourige an fenómenos de sustituiçon.
Usos i aplicaçones
[eiditar | eiditar código-fuonte]Fui mui outelizada pul home neolítico para fazer armas (por eisemplo an puntas de setas) i ferramientas de corte, debido a la sue grande dureza i als sou corte, debido a las arestas afiadas que son porduzidas. Fui tamien mui ousada para se porduziren chiçpas an armas de fuogo antigas (pederneiras). Ye inda outelizada na custruçon, subretodo na Anglaterra.