Brancai

Lo brancai, o la brancalha (de formacion del Pancraci grèc antic) siguèt una lucha tradicionala provençala practicada a passat temps dins lo sud de França, en Occitània. Assimilada a la lucha libra, que semblava lo catch, lo brancai se'n diferenciava per l'aplicacion de còups. Es qu'au moment que lei dos combatents s'entendián sus l'aplicacion dei còups que la lucha libra veniá lo brancai.

Lei combats èran rapides e violents. Aquela lucha si practicava au moment dei fèstas, e s'utilizavan lei còups de pès, de ponhs, de coides, de ginolhs, de tèsta, ensin que leis estranglaments, lei claus e lei còups au sòu. Tombèt dins la clandestinitat après la Segonda Guèrra Mondiala, mai contunhèt de s'ensenhar fins a la fin deis annadas 1970 aperaquí.